ஹிந்து மக்களுக்கு மட்டும் சொந்தமானதல்ல சாமுண்டி மலை: துணை முதல்வா் டி.கே.சிவகுமாா்

ஹிந்துகளுக்கு மட்டும் சொந்தமானதல்ல சாமுண்டி மலை என்று கா்நாடக துணை முதல்வா் டி.கே.சிவகுமாா் தெரிவித்துள்ள கருத்து மீண்டும் சா்ச்சையை ஏற்படுத்தியுள்ளது.

நிகழாண்டு மைசூரில் செப்.22 ஆம் தேதி நடைபெறும் தசரா திருவிழாவை சா்வதேச புக்கா் பரிசு வென்ற கன்னட எழுத்தாளா் பானுமுஸ்டக் தொடங்கிவைக்கிறாா். இதற்கு பாஜகவினா் கடும் எதிா்ப்புத் தெரிவித்து வருகின்றனா். பாஜகவின் ஒருபிரிவினா் பானுமுஸ்டக்குக்கு எதிா்ப்புத் தெரிவித்த அதேவேளையில் மைசூரு தொகுதி பாஜக எம்.பி.யும், மன்னா் குடும்பத்து பட்டத்து இளவரசருமான யதுவீா் கிருஷ்ணதத்த சாமராஜ உடையாா் ஆதரவு தெரிவித்துள்ளாா்.

இதுகுறித்து துணை முதல்வா் டி.கே.சிவகுமாா் கூறுகையில், ‘சாமுண்டி மலை, சாமுண்டீஸ்வரி அம்மன் அனைத்து மதத்தினருக்கும் சொந்தம். மலையும், அம்மனும் ஹிந்துகளுக்கு மட்டுமான சொத்தல்ல. அனைத்து மதங்களைச் சோ்ந்தவா்களும் சாமுண்டி மலைக்குச் சென்று சாமுண்டீஸ்வரி அம்மனை வழிபடுகிறாா்கள். அது அவா்கள் நம்பிக்கை. தேவாலயங்கள், சமண கோயில்கள், தா்கா, சீக்கிய குருதுவாராக்களுக்கு நாங்கள் செல்கிறோம். எனவே, பானுமுஸ்டக்குக்கு எதிா்ப்புத் தெரிவிப்பது எல்லாம் வெறும் அரசியல்.

இரு மதத்தவா்கள் திருமணம் செய்துகொள்வதில்லையா? ஒரு மதத்தை சோ்ந்தவா், மற்றொரு மதத்தின் மீது நம்பிக்கை கொள்வதில்லையா? அயோத்தியில் உள்ள ராமா் கோயிலில் ஹிந்துகள் மட்டுமே வழிபடமுடியும் என்று கட்டுப்பாடு விதிக்கவில்லை. இது மதச்சாா்பற்ற நாடு. இங்கு அரசமைப்புச் சட்டம் உள்ளது. எல்லோருக்கும் இங்கு பாதுகாப்பு உள்ளது. அவரவருக்கு பிடித்த மதத்தை கடைப்பிடிக்கலாம் என்றாா்.

இதற்குப் பதிலளித்து எதிா்க்கட்சித் தலைவா் ஆா்.அசோக் கூறுகையில், ‘சாமுண்டிமலை உறுதியாக ஹிந்துகளுக்கு சொந்தமானதே தவிர, முஸ்லிம்களுக்கு சொந்தமானதல்ல. இதை யாராலும் மாற்ற முடியாது. அது ஹிந்து சொத்துதான். சாமுண்டிமலை, தா்மஸ்தலா, திருப்பதி, சபரிமலை எல்லாம் ஹிந்துகளுக்கு சொந்தமானவையாகும். இவற்றை தொடமுயன்றாலோ வேறுமாதிரி மாற்ற முனைந்தாலே போராட்டம் வெடிக்கும். எச்சரிக்கையாக இருங்கள். இதை காங்கிரஸ் கட்சிக்கு எச்சரிக்கையாக கூறவிரும்புகிறேன்’ என்றாா்.

மைசூரு தொகுதி எம்.பி. யதுவீா் கிருஷ்ணதத்த சாமராஜ உடையாா் கூறுகையில், ‘சாமுண்டிமலை, சாமுண்டீஸ்வரி அம்மன் ஹிந்துகளுக்கு சொந்தமானதல்ல என்று டி.கே.சிவகுமாா் கூறியிருக்கிறாா். இது கண்டிக்கத்தக்கது. சாமுண்டிமலை ஒரு சக்திபீடம். சாஸ்திரங்களின்படி, பிரதிஷ்டை செய்யப்பட்டது. கோடிக்கணக்கான ஹிந்துகளின் போற்றுதலுக்குரியது. இந்த மலை என்றைக்கும் ஹிந்துகளின் சொத்தாக இருக்கும்.

அனைத்து மதத்தினரையும் கா்நாடக மக்கள் மதிக்கிறாா்கள். அதற்காக ஹிந்து திருவிழாக்கள், பாரம்பரியம், கோயில்கள் மீது தாக்குதல் நடத்தினால் அதை சகித்துக்கொள்ள முடியாது’ என்றாா்.

மத்திய இணையமைச்சா் ஷோபா கரந்தலஜே கூறுகையில், ‘சாமுண்டிமலை ஹிந்துகளின் சொத்து அல்ல என்றால், அது யாருடைய சொத்து. இந்த பகுதியை திப்புசுல்தான் ஆட்சி செய்தாா் என்பதற்காக, சாமுண்டிமலையை வக்ஃப் சொத்து என்று அறிவித்துவிடுவீா்களா? விவசாய நிலங்களை வக்ஃப் சொத்து என்று காங்கிரஸ் அரசு ஏற்கெனவே அறிவித்திருந்தது.

வக்ஃப் வாரியம் நோட்டீஸ் அளித்ததால் கோயில்கள், மடங்கள், விவசாயிகள் ஆத்திரமடைந்திருந்தனா். ஆா்.எஸ்.எஸ் பாடலை பாடியதற்காக கட்சி மேலிடத்தின் எதிா்ப்பு வந்ததும், அதை திசைதிருப்பவே டி.கே.சிவகுமாா் சாமுண்டி மலை விவகாரத்தை முன்னிறுத்தி பேசியுள்ளாா் என்றாா்.

தனது பேச்சு சா்ச்சையானதையடுத்து, பெங்களூரில் புதன்கிழமை செய்தியாளா்களிடம் பேசிய டி.கே.சிவகுமாா், ‘ சாமுண்டீஸ்வரி அம்மன் கா்நாடக மக்களுக்கு சொந்தமானவா். அது அரசு சொத்து. அங்கு ஹிந்துகள் மட்டுமே வரலாம் என்று கோயிலில் எழுதிவைக்கப்படவில்லை. எல்லா மதங்களை சோ்ந்தவா்களையும் சாமுண்டீஸ்வரி அம்மன் ஆசிா்வதிக்கிறாா்’ என்றாா்.