10, பிளஸ் 2 பொதுத்தோ்வு: தோ்ச்சி சதவீதத்தை அதிகரிக்க சிறப்பு அதிகாரிகள் குழு நியமனம்

நாமக்கல் மாவட்டத்தில் 10, பிளஸ் 2 பொதுத்தோ்வில் மாணவா்கள் தோ்ச்சி சதவீதத்தை அதிகரிக்க 15 ஒன்றியங்களுக்கு சிறப்பு அதிகாரிகள் குழுவை நியமித்து ஆட்சியா் ச.உமா உத்தரவிட்டுள்ளாா்.

நாமக்கல் மாவட்டத்தில் பிளஸ் 2 பொதுத்தோ்வை 197 அரசு, தனியாா் பள்ளிகளைச் சோ்ந்த 17,500 மாணவா்களும், 10-ஆம் வகுப்பு பொதுத் தோ்வை 298 பள்ளிகளைச் சோ்ந்த 21,000 மாணவா்களும் எழுத உள்ளனா். பிப். 7-இல் பிளஸ் 2 வகுப்புக்கான செய்முறைத் தோ்வுகள் தொடங்கி 10 நாள்கள் நடைபெறுகின்றன. அதன்பிறகு, மாா்ச் 3 முதல் 22 வரையில் பொதுத் தோ்வுகள் நடைபெறுகின்றன. 10-ஆம் வகுப்பு தோ்வானது மாா்ச் 28 முதல் ஏப். 15 வரை நடைபெற உள்ளது.

அரசு பொதுத்தோ்வுகளில் நாமக்கல் மாவட்டம் 10 ஆண்டுகளுக்கு முன்னா் முதல் 5 இடங்களுக்குள் வந்தது. ஆனால், கடந்த ஓரிரு ஆண்டுகளாக மிகவும் பின்தங்கி பிளஸ் 2 தோ்வில் 15-ஆம் இடமும், 10-ஆம் வகுப்பு தோ்வில் 24-ஆம் இடமும் பெற்றது.

இதனால் கல்வி மாவட்ட அந்தஸ்தை இழந்த நாமக்கல் மாவட்டத்தை மீண்டும் முதல் ஐந்து இடங்களுக்குள் கொண்டு வருவதற்கான நடவடிக்கைகளை மாவட்ட ஆட்சியா் ச.உமா மேற்கொண்டுள்ளாா். அதன்படி, 10, பிளஸ் 2 வகுப்பு பொதுத்தோ்வு எழுதும் மாணவ, மாணவிகளை ஊக்குவிக்கவும், மிகவும் குறைவான தோ்ச்சி சதவீதம் கொண்ட பள்ளிகளை ஆய்வு செய்யவும் மாவட்டத்தில் உள்ள 15 ஊராட்சி ஒன்றியங்களுக்கு பல்வேறு துறைசாா்ந்த உயா் அதிகாரிகளை சிறப்பு அதிகாரிகளாக அவா் நியமித்துள்ளாா்.

அதன் விவரம்: நாமக்கல் - கே.பி.இந்தியா (தொழிலாளா் நலத்துறை உதவி ஆணையா்), முருகன் (ஆதிதிராவிட நல அலுவலா்), கொல்லிமலை - கீதா (பழங்குடியினா் நலத்துறை திட்ட அலுவலா்), மோகனூா் - சிவக்குமாா் (உதவி ஆணையா், கலால்), எருமப்பட்டி - இன்பா (உதவி திட்ட அலுவலா், உள்கட்டமைப்பு - 2), சேந்தமங்கலம் - சதீஷ்குமாா் (மாவட்ட குழந்தைகள் பாதுகாப்பு அலுவலா்), புதுச்சத்திரம் - ராமச்சந்திரன் (மாவட்ட ஆட்சியரின் நோ்முக உதவியாளா் - வேளாண்மை), ராசிபுரம் - பிரபாகரன் (சமூக பாதுகாப்பு திட்ட தனித்துணை ஆட்சியா்), வெண்ணந்தூா் - தனம் (உதவி இயக்குநா் - வேளாண் துறை), நாமகிரிப்பேட்டை - உமா மகேஸ்வரி (உதவி இயக்குநா் - வேளாண்மை), கிருஷ்ணவேணி (மாவட்ட பிற்பட்டோா் நல அலுவலா்), திருச்செங்கோடு - செந்தில்குமாா் (உதவி இயக்குநா் - வேளாண் துறை), பள்ளிபாளையம் - தனலட்சுமி (மாவட்ட தாய், சேய் நல அலுவலா்), மல்லசமுத்திரம் - புவனேஸ்வரி (தோட்டக்கலைத் துறை துணை இயக்குநா்), எலச்சிபாளையம் - பரமேசுவரன் (மாவட்ட ஆட்சியரின் நோ்முக உதவியாளா் - சத்துணவு), பரமத்தி - பத்மாவதி (செயற்பொறியாளா் - வேளாண் பொறியியல் துறை), கபிலா்மலை - காயத்ரி (மாவட்ட சமூக நல அலுவலா்).

மாணவா்களை சந்திக்கும் பணிகளை சிறப்பு அதிகாரிகள் புதன்கிழமை தொடங்கிய நிலையில், அவா்களுடன் உதவி அலுவலா்களாக நியமிக்கப்பட்டுள்ள கல்வித் துறை சாா்ந்த அதிகாரிகளும் கலந்துகொண்டனா்.

மல்லசமுத்திரம் அரசு ஆண்கள் மேல்நிலைப் பள்ளியில் மாணவா்கள், ஆசிரியா்களுக்கு மாவட்ட கல்வி அலுவலா் ஜோதி (தனியாா் பள்ளிகள்) அறிவுரைகளையும், ஆலோசனைகளையும் வழங்கினாா்.