17 வயது சிறுவன் உள்பட 3 போ் தூக்கிட்டுத் தற்கொலை

திருச்சி மாவட்டத்தில் 17 வயது சிறுவன் உள்பட 3 போ் தூக்கிட்டுத் தற்கொலை செய்துகொண்டனா்.

திருச்சி திருவானைக்கோவில் கருணா நகரைச் சோ்ந்தவா் அபிநயா (34), பெரம்பலூா் இந்தியன் ஓவா்சீஸ் வங்கியில் உதவி மேலாளராகப் பணியாற்றி வருகிறாா். இவரது கணவா் சதீஷ்குமாா் (35), பொறியியல் படித்துள்ள இவா் வேலைக்குச் செல்லாமல் வீட்டில் இருந்து வந்துள்ளாா்.

இந்நிலையில், செலவுக்காக மனைவியிடம் கடந்த வெள்ளிக்கிழமை பணம் கேட்டுள்ளாா். அவா், தரமறுத்ததால் மனஉளைச்சலுக்குள்ளான சதீஷ்குமாா், வெள்ளிக்கிழமை இரவு தூக்கிட்டுத் தற்கொலை செய்துகொண்டாா்.

இதுகுறித்து அவரது மனைவி அபிநயா ஸ்ரீரங்கம் காவல் நிலையத்தில் சனிக்கிழமை அளித்த புகாரின்பேரில், போலீஸாா் வழக்குப் பதிந்து விசாரணை நடத்தி வருகின்றனா்.

சிறுவன் தற்கொலை

திருச்சி பாலக்கரையைச் சோ்ந்தவா் சிவகுமாா் (58), கூலித் தொழிலாளி. இவரது மனைவி மிக்ஷா் தயாரிக்கும் நிறுவனத்தில் பணியாற்றி வருகிறாா். இவா்களுக்கு இரண்டு மகன்கள் இருந்தனா்.

மூத்த மகன் கடந்த ஒன்றரை ஆண்டுகளுக்கு முன்பு உயிரிழந்தாா். இதனால் மன உளைச்சலில் இருந்து வந்த இரண்டாவது மகன் (17 வயது சிறுவன்) வெள்ளிக்கிழமை இரவு வீட்டில் யாரும் இல்லாதபோது தூக்கிட்டுத் தற்கொலை செய்துகொண்டாா்.

இதுகுறித்து பாலக்கரை காவல் நிலையத்தில் சிவகுமாா் அளித்த புகாரின்பேரில், போலீஸாா் வழக்குப் பதிந்து விசாரணை நடத்தி வருகின்றனா்.

பெண் தற்கொலை

தருமபுரி மாவட்டத்தைச் சோ்ந்தவா் முத்துசாமி மனைவி அஸ்வினி (45). இவரது மகள் காவ்யா (26). இவா், கடந்த 2018-ஆம் ஆண்டு கோகுல் என்பவரை காதலித்து திருமணம் செய்துகொண்டு திருச்சி மாவட்டம், குண்டூா் அய்யனாா் கோயில் தெருவில் வசித்து வந்தாா்.

கணவன், மனைவிக்கு இடையே அடிக்கடி பிரச்னை ஏற்பட்டு வந்துள்ளது. இந்நிலையில், காவ்யா சனிக்கிழமை வீட்டில் யாரும் இல்லாதபோது தூக்கிட்டுத் தற்கொலை செய்துகொண்டாா்.

இதுகுறித்து நவல்பட்டு காவல் நிலையத்தில் அவரது தாய் அஸ்வினி அளித்த புகாரின்பேரில், போலீஸாா் வழக்குப் பதிந்து விசாரணை நடத்தி வருகின்றனா்.