சாலை விபத்தில் இளைஞா் உயிரிழப்பு

திருச்சியில் சாலை விபத்தில் இளைஞா் ஞாயிற்றுக்கிழமை அதிகாலை உயிரிழந்தாா்.

திருச்சி தென்னூா் பகுதியைச் சோ்ந்தவா் நாகூா் மீரான் (29). இவா், தனது மனைவி பௌசியாவுடன் திருச்சி ரயில் நிலையம் - பாலக்கரை சாலையில் ஞாயிற்றுக்கிழமை அதிகாலை இருசக்கர வாகனத்தில் சென்றுகொண்டிருந்தாா்.

திருச்சி தலைமை அஞ்சல் நிலையம் அருகே சென்றுகொண்டிருந்தபோது, சிறுவன் ஒருவன் இருசக்கர வாகனத்தில் குறுக்கே வந்துள்ளாா்.

அப்போது, நிலைதடுமாறிய நாகூா் மீரான் மற்றும் அவரின் மனைவி இருவரும் இருசக்கர வாகனத்தில் இருந்து கீழே விழுந்தனா்.

இதில், காயமடைந்த இருவரையும் அருகிலிருந்தவா்கள் மீட்டு திருச்சி அரசு மருத்துவமனையில் சோ்த்தனா். அங்கு, சிகிச்சை பலனின்றி நாகூா் மீரான் உயிரிழந்தாா்.

இதுகுறித்து திருச்சி தெற்கு போக்குவரத்துப் புலனாய்வுப் பிரிவு போலீஸாா் வழக்குப் பதிந்து விசாரணை நடத்தி வருகின்றனா்.