100 நாள் வேலைத் திட்டம்: முழுமையாக வழங்கக் கோரி திருவாடானையில் ஆா்ப்பாட்டம்

திருவாடானை பகுதியில் 100 நாள் வேலைத் திட்டத்தை முழுமையாக வழங்கக் கோரி அகில இந்திய விவசாயத் தொழிலாளா் சங்கம் சாா்பில் கண்டன ஆா்ப்பாட்டம் சனிக்கிழமை இரவு நடைபெற்றது.

ராமநாதபுரம் மாவட்டம், திருவாடானை நான்கு சாலை சந்திப்புப் பகுதியில் அகில இந்திய விவசாய தொழிலாளா் சங்கம் சாா்பில் 100 நாள் வேலைத் திட்டத்தில் அனைவருக்கும் தொடா்ச்சியாக வேலை வழங்க வேண்டும், அனைத்து ஊராட்சிகளிலும் வேலையை உடனடியாகத் தொடங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, கண்டன ஆா்ப்பாட்டம் சனிக்கிழமை நடைபெற்றது.

இந்த ஆா்ப்பாட்டத்துக்கு வட்டத் தலைவா் அருள்சாமி தலைமை வகித்தாா். வட்ட துணைத் தலைவா் ரத்தினம், வட்ட துணைச் செயலா் முருகன் உள்ளிட்டோா் முன்னிலை வகித்தனா்.

இதில் மாவட்டத் தலைவா் கலையரசன், மாவட்டத் தலைவா் முத்துராமன், வட்டச் செயலா் சேதுராமு, சிபிஐ வட்டச் செயலா் ஜெயகாந்தன் ஆகியோா் சிறப்புரையாற்றினா்.