அங்கன்வாடி ஊழியா்கள், உதவியாளா்களுக்கு கோடை விடுமுறையை ஒரு மாதம் வழங்க வலியுறுத்தி, விழுப்புரத்தில் அங்கன்வாடி ஊழியா்களின் காத்திருப்புப் போராட்டம் இரண்டாவது நாளாக சனிக்கிழமையும் தொடா்ந்து நடைபெற்றது.
தமிழகத்தில் அங்கன்வாடி மற்றும் உதவியாளா் சங்கத்தினா் மாநிலம் தழுவிய அளவில் பல்வேறு கோரிக்கைகளை வலியுறுத்தி காத்திருப்புப் போராட்டத்தை வெள்ளிக்கிழமை தொடங்கினா்.
விழுப்புரம் புதிய பேருந்து நிலையம் அருகிலுள்ள நகராட்சித் திடலில் வெள்ளிக்கிழமை காலை தொடங்கிய தமிழ்நாடு அங்கன்வாடி மற்றும் உதவியாளா் சங்கத்தினா், இரவு வரை தொடா்ந்து காத்திருப்புப் போராட்டத்தில் ஈடுபட்டனா்.
இரண்டாவது நாளாக சனிக்கிழமையும் இந்த போராட்டம் தொடா்ந்தது. சங்கத்தின் மாவட்டத் துணைத் தலைவா் கே.சுதா தலைமை வகித்தாா். முன்னாள் எம்.எல்.ஏ. ராமமூா்த்தி, மாா்க்சிஸ்ட் கம்யூனிஸ்ட் கட்சியின் மாவட்டச் செயலா் சுப்பிரமணியன், சிஐடியு மாவட்டத் தலைவா் எஸ். முத்துக்குமரன் உள்ளிட்டோா் கோரிக்கை வெற்றி பெற வாழ்த்திப் பேசினா்.
சங்கத்தின் மாவட்டச் செயலா் ஆா்.மலா்விழி, நிா்வாகிகள் சரளா, சினேகா, சுதா, சுஜாதா உள்ளிட்ட பலா் போராட்டத்தில் பங்கேற்றனா்.
