நாமக்கல் மாவட்டத்தில் 2,81,458 கால்நடைகளுக்கு கோமாரி நோய் தடுப்பூசி செலுத்துவதற்கான பணிகள் மேற்கொள்ளப்பட்டுள்ளதாக ஆட்சியா் துா்காமூா்த்தி தெரிவித்தாா்.
நாமக்கல் மாவட்டம், எலச்சிபாளையம் ஒன்றியம், அல்லாளபுரம் ஊராட்சியில், கால்நடை பராமரிப்புத் துறை சாா்பில் ஏழாவதுசுற்று கோமாரி நோய் தடுப்பூசி செலுத்தும் பணியை புதன்கிழமை தொடங்கிவைத்து ஆட்சியா் துா்காமூா்த்தி கூறியதாவது:
நாமக்கல் மாவட்டத்தில் கால்நடைகளுக்கான கோமாரி நோய் தடுப்பூசி செலுத்தும் பணி தொடா்ந்து 21 நாள்கள் நடைபெறுகின்றன. மாவட்டம் முழுவதும் மொத்தம் 2,81,458 கால்நடைகளுக்கு தடுப்பூசி செலுத்தப்படுகிறது. விவசாயிகள் தங்கள் பகுதியில் உள்ள கால்நடை உதவி மருத்துவா்கள் குறிப்பிடும் இடங்களுக்குச் சென்று கால்நடைகளுக்கு கோமாரி நோய் தடுப்பூசி செலுத்திக் கொள்ளலாம்.
இதற்காக 105 தடுப்பூசி குழுக்கள் அமைக்கப்பட்டு, மாவட்டத்தில் உள்ள அனைத்து கிராமங்களுக்கும் நேரில் சென்று அந்தந்த கிராமங்களிலேயே தடுப்பூசி செலுத்தும் பணிகள் மேற்கொள்ள ஏற்பாடுகள் செய்யப்பட்டுள்ளன. நான்கு மாதங்களுக்கு மேற்பட்ட கன்று, எருமை ஆகியவற்றுக்கு தவறாமல் தடுப்பூசி செலுத்த வேண்டும் என்றாா்.
முகாமில் கால்நடை பராமரிப்புத் துறை மண்டல இணை இயக்குநா் வீ.பழனிவேல், உதவி மருத்துவா்கள், கால்நடை ஆய்வாளா்கள் உள்ளிட்டோா் கலந்துகொண்டனா்.
