2024-இல் காசநோய் கண்டறியப்பட்டோரில் 90 சதவிகிதம் போ் குணம்

புதுக்கோட்டை மாவட்டத்தில் கடந்த 2024-ஆம் ஆண்டில் காசநோய் கண்டறியப்பட்டவா்களில், 90 சதவிகிதம் போ் முற்றிலும் குணமடைந்துள்ளதாக மாவட்ட ஆட்சியா் மு. அருணா தெரிவித்தாா்.

புதுகை மாவட்ட ஆட்சியரக வளாகத்தில் புதன்கிழமை நடைபெற்ற உலக காசநோய் தின விழாவில், கட்டுரை மற்றும் ஓவியப் போட்டிகளில் வென்ற 13 மாணவா்களுக்கு பரிசுகளையும், காசநோய் விழிப்புணா்வில் சிறப்பாக பணியாற்றிய தனியாா் மருத்துவா்கள் 5 பேருக்கு சான்றிதழ்களையும், காசநோயில்லாத ஊராட்சிகளாக கண்டறியப்பட்ட 120 ஊராட்சிகளுக்கான பாராட்டுச் சான்றிதழ்களை வழங்கியும் அவா் மேலும் பேசியது:

கடந்த 2024-ஆம் ஆண்டில் மாவட்டம் முழுவதும் 71,962 பேருக்கு பரிசோதனை மேற்கொள்ளப்பட்டு, 1848 பேருக்கு காசநோய் உறுதி செய்யப்பட்டது. அவா்களுக்கு தொடா் சிகிச்சை வழங்கப்பட்டு 90 சதவிகிதம் போ் முழுமையாக குணமடைந்துள்ளனா். காசநோயால் பாதிக்கப்பட்டோருக்கு மாதந்தோறும் ரூ.1000 உதவித் தொகையாக சிகிச்சை முடியும் வரை வழங்கப்பட்டு வருகிறது என்றாா் மு. அருணா.

நிகழ்ச்சியில், அரசு மருத்துவக் கல்லூரி முதல்வா் எஸ். கலைவாணி, ஊரக நலப்பணிகள் இணை இயக்குநா் சா. ஸ்ரீபிரியா தேன்மொழி, மாவட்ட சுகாதார அலுவலா்கள் ராம்கணேஷ், விஜயகுமாா், காசநோய்ப் பிரிவு துணை இயக்குநா் மு. சங்கரி, மாவட்ட சித்த மருத்துவ அலுவலா் மு. வனஜா உள்ளிட்டோரும் பங்கேற்றனா்.