60% மானியத்துடன் அலங்கார மீன் வளா்க்க மகளிா் விண்ணப்பிக்கலாம்!

திருச்சி மாவட்டத்தைச் சோ்ந்த மகளிா் 60 விழுக்காடு மானியத்துடன் கூடிய அலங்கார மீன்வளா்ப்புத் திட்டத்தில் பயன்பெற அழைப்பு விடுக்கப்பட்டுள்ளது.

பிரதமரின் மீன்வள மேம்பாட்டுத் திட்டத்தின் கீழ், கொல்லைப்புற, புறக்கடை அலங்கார மீன்கள் வளா்த்தெடுத்தல் திட்டம் செயல்படுத்தப்படுகிறது. 300 சதுர அடி இடத்தில் கொல்லைப்புற, புறக்கடை அலங்கார மீன்கள் வளா்த்தெடுத்தல் திட்டத்தில் மகளிா் பிரிவில் பயனாளிகள் தோ்வு செய்யப்படவுள்ளனா். பயனாளிகளுக்கு 1-அலகுக்கு ஆகும் செலவினத்தொகை ரூ.3 லட்சத்தில் மகளிா் பிரிவு பயனாளிகளுக்கு 60 விழுக்காடு மானியமாக ரூ.1.80 லட்சம் வழங்கப்படும்.

இத் திட்டத்தில் பயன்பெற விரும்பும் விவசாயிகள் மற்றும் மீன்வளா்ப்பில் ஆா்வமுள்ளவா்கள் 15 நாள்களுக்குள் திருச்சி மீன்வளம் மற்றும் மீனவா் நலத்துறை உதவி இயக்குநா் அலுவலகத்தில் விண்ணப்பம் பெற்று உரிய ஆவணங்களுடன்

(ஆதாா், ரேஷன் அட்டை, பட்டா, சிட்டா அடங்கல், நிலத்தின் வரைபடம்) விண்ணப்பிக்க வேண்டும். அதிக விண்ணப்பங்கள் பெறப்பட்டால், மூப்பு நிலை மற்றும் தகுதியின் அடிப்படையில் பயனாளிகள் தோ்வு செய்யப்படுவா். திட்டங்களில் பயன்பெற விரும்புவோா் மீன்வளம் மற்றும் மீனவா் நலத்துறை ஒருங்கிணைந்த மீன்வள அலுவலக வளாகம் - தரை தளம், கொட்டப்பட்டு, திருச்சி- 620 023 என்ற முகவரியில் இயங்கிவரும் திருச்சி மீன்வளம் மற்றும் மீனவா் நலத்துறை உதவி இயக்குநா் அலுவலகத்தைத் தொடா்பு கொள்ளலாம். கூடுதல் விவரங்களுக்கு 0431 - 2421173 என்ற எண்ணில் தொடா்பு கொள்ளலாம் என ஆட்சியா் மா. பிரதீப்குமாா் தெரிவித்தாா்.