கழுகார் : `கன்ட்ரோலில் சொத்துகள்’ - ஆளும் தரப்பிலிருந்து `சின்ன தலைவி’க்கு ஆதரவு...
ETF: இக்விட்டி இன்டெக்ஸ் இ.டி.எஃப் நல்ல லாபம் தருமா? | Share Market
Admin
- 1 hours ago
முதலீடுகளில் ஒரு வகை இ.டி.எஃப். இதில் முதலீடு செய்யலாமா... லாபம் கிடைக்குமா போன்ற கேள்விகள் இருக்கிறதா?
அதற்கான பதில்களை வழங்குகிறார் Aionion Group-ன் இயக்குநர் V. K. ஷேக் அப்துல்லா.
ஒருவர் ஏன் இ.டி.எஃபைத் தேர்ந்தெடுக்க வேண்டும்?
இ.டி.எஃப்பில் மிக குறைந்த செலவில் மிகப்பெரிய லாபம் கிடைக்கும். இன்றைய தேதியில் ஒரு கிராம் தங்கம் கிட்டத்தட்ட ரூ.9,000-க்கு மேல் விற்பனை ஆகிறது. அவ்வளவு பெரிய தொகை கொடுத்தால்தான் தங்கம் வாங்க முடியும் என்பதில்லை.
கோல்டு இ.டி.எஃப்பில் வெறும் ரூ.100-க்கு யூனிட் கணக்கில் தங்கத்தில் முதலீடு செய்ய முடியும். இது சூப்பர் ப்ளஸ் அல்லவா?
இன்னொரு பக்கம், புதிதாக சந்தைக்குள் நுழைபவர்களுக்குச் சந்தை பற்றி அவ்வளவாகத் தெரியாது. அப்போது ஒவ்வொரு பங்குகளாக ஆராய்வதற்கு, முதலீடு செய்ய முடிவு எடுப்பதற்கு அவர்களுக்குக் கடினமாக இருக்கும்.
அதனால், புதிய முதலீட்டாளர்கள் தாராளமாக நிப்டி 50 இ.டி.எஃப்பில் முதலீடு செய்யலாம். இது நிப்டி 50-யில் இருக்கும் பங்குகளின் மொத்த செயல்திறன் அடிப்படையில், இதன் உயர்வு, குறைவு இருக்கும். இதனால், ஒப்பீட்டளவில் ரிஸ்க் குறைவு.
இ.டி.எஃப்பில் செபியின் பங்கு என்ன?
ஆங்கிலத்தில், செபியை 'வாட்ச் டாக்' (Watch Dog) என்பார்கள். அதாவது சந்தை சரியான பாதையில் செல்கிறதா, அதில் எதாவது குளறுபடிகள் நடக்கிறதா போன்றவற்றை செபி கண்காணிக்கும்.
இந்தியப் பொருளாதாரத்தில் முதலீட்டாளர்கள் முக்கிய பங்கு வகிக்கிறார்கள். அதனால், செபி முதலீட்டாளர்களைப் பாதுகாத்து சரியான வழியில் நடத்தி செல்ல பெரும் பங்கு ஆற்றுகிறார்கள்.
இ.டி.எஃப் போன்ற குறைந்த செலவு, அனைத்து தரப்பினரும் எளிதாக அணுகக்கூடிய முதலீட்டு வாய்ப்புகளை செபி மிகவும் ஊக்குவிக்கிறது.
இ.டி.எஃப் எத்தனை வகை? எந்த வகையில் முதலீடு செய்வது நல்லது?
கோல்டு, இன்டெக்ஸ், ஐடி, பார்மா என ஏகப்பட்ட வகைகள் இ.டி.எஃபில் உண்டு.
பொதுவாக, இக்விட்டி இன்டெக்ஸ் இ.டி.எஃபில் தான் வளர்ச்சி அதிகம். காரணம், எப்போதுமே பங்குகளில்தான் அதிக வருமானம் கிடைக்கும்.
இக்விட்டி இன்டெக்ஸ் இ.டி.எஃப் என்றால் என்ன?
நிஃப்டி 50, 100 போன்ற ஃபண்டுகளிலும் நமக்கு லாபம் அதிகமாகத்தான் கிடைக்கும். இதில் நமக்குப் பாதுகாப்பான முறையில் இன்வெஸ்ட் செய்தாலும் நமக்கு ரிட்டர்ன்ஸ் ஓரளவுக்கு நன்றாகவே இருக்கும். இதுபோக நிஃப்டி ஸ்மால் கேப் இன்டெக்ஸ் என்று ஒன்று இருக்கிறது. இதில் ரிஸ்க் மிகவும் அதிகம். ஆனால் அதற்கு கேட்பார் போல லாபமும் அதிகமாகவே இருக்கும்.
பொதுவாக நாம் எஃப்.டியில் முதலீடு செய்யும் பொழுது 6% முதல் 8% வரை வங்கிகள் நமக்கு வட்டி தரும். ஆனால் மியூச்சுவல் ஃபண்டில் முதலீடு செய்வது அப்படி அல்ல. நீண்ட காலம் முதலீடு செய்வோம், அதற்குத் தகுந்தது போல நமக்கு நீண்ட காலம் லாபமும் இருக்கும்.
இதே முறையில் பார்க்கும்போது, இக்விட்டி இ.டி.எஃப்பும் இப்படித்தான் செயல்படும். ஆனால், அதில் இருந்து கொஞ்சம் மாற்றம் ஏற்படும். ஒரு இக்விட்டி ஃபண்டில் முதலீடு செய்கிறோம் என்றால், நமக்கு வட்டியோடு சேர்த்து, அந்த நிறுவனத்தில் நமக்கு பங்கும் கிடைக்கின்றது.
எப்போதுமே நீண்ட கால அடிப்படையில் ஈக்விட்டி இன்டெக்ஸில் வளர்ச்சி அதிகம்.
இ.டி.எஃப்பில் இருக்கும் மிகப்பெரிய ப்ளஸ் என்ன?
இதற்கு புரோக்கர் கட்டணம் குறைவு. எந்த வகையான ஃபண்டில் நாம் முதலீடு செய்யப் போறோம் என்கிற தெளிவு நமக்கு முன்னதாகவே கிடைத்துவிடும். முதலீட்டாளர்களே எதில் முதலீடு செய்ய வேண்டும் என்பதை முடிவு செய்து, நேரடியாக முதலீடுகளைச் செய்யலாம்... லாபத்தையும் பெறலாம்.
எதிர்காலத்தில், இ.டி.எஃப் ரோபோ அட்வைஸர்ஸ் உடன் இணைந்து செயல்படும் என்று எதிர்பார்க்கலாமா?
இது சில நாடுகளில் நடைமுறையில் உள்ளது. இன்னும் இந்தியாவில் வரவில்லை. இந்தியாவில் வந்தாலும் இது முதலீட்டாளர்களுக்குப் பாதுகாப்பான முறையா என்று உறுதியான பின்பே இதை நாம் பின்பற்ற முடியும்.
தொழில்நுட்பம் வளர்ந்து கொண்டிருக்கிறது. அதனால், வருவதற்கான வாய்ப்புகள் உண்டு. ஆனால், இதன் பாதுகாப்புத் தன்மையை செபி உறுதி செய்த பின்னரே இந்தியச் சந்தையில் இது அறிமுகமாகும்.
Data in this section is not a buy/sell recommendation but only a compilation of information on various technical/volume-based parameters
Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exists no conflict of interest that can bias his views in this report. The Analyst does not hold any share(s) in the company/ies discussed.
INVESTMENT IN SECURITIES MARKET ARE SUBJECT TO MARKET RISKS. READ ALL THE RELATED DOCUMENTS CAREFULLY BEFORE INVESTING. Registration granted by SEBI and certification from NISM in no way guarantee the performance of the intermediary or provide any assurance of returns to investors. For a detailed disclaimer and disclosure please visit https://www.vikatan.com/business/share-market/113898-disclaimer-disclosures. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.
One year Price history of the daily closing price of the securities covered in this section is available at https://www.nseindia.com/report-detail/eq_security (Choose the respective symbol) /name of company/time duration)
