Hrithik Roshan: மகனின் படப் பாடலுக்கு நடனமாடிய 71 வயது அம்மா; வீடியோவை பகிர்ந்த ஹிருத்திக் ரோஷன்

யாஷ் ராஜ் பிலிம்ஸின் ஸ்பை யுனிவர்ஸில் இதுவரை தயாரிக்கப்பட்ட படங்களிலேயே ''வார் 2'' தான் அதிக பட்ஜெட் படமாகும். இந்த படம் மார்க்கெட்டிங் செலவுகளைத் தவிர்த்து ரூ.400 கோடி பட்ஜெட்டில் தயாரிக்கப்பட்டுள்ளது.

ஹிருத்திக் ரோஷன், ஜூனியர் என்.டி.ஆர் மற்றும் கியாரா அத்வானி நடித்திருக்கும் ''வார் 2'' படம் அடுத்த மாதம் 14-ம் தேதி தியேட்டரில் வெளியாக உள்ளது. இந்தப் படத்தின் முதல் பாடலான 'ஆவன் ஜாவன்' பாடலை சமீபத்தில் தயாரிப்பாளர்கள் வெளியிட்டனர். ஹிருத்திக் ரோஷன் மற்றும் கியாரா அத்வானியிடையேயான கெமிஸ்ட்ரி, நடனம், இசை என பாடல் வீடியோ வைரலானது. இந்தப் பாடலின் ஹூக் ஸ்டெப் பாடல் வெளியான சில நிமிடங்களிலேயே வைரலானது.

ரசிகர்கள் அதை இன்ஸ்டாகிராமில் ரீல்ஸ்களாக உருவாக்கத் தொடங்கிவிட்டனர். இப்போது, அந்த ட்ரெண்டில் ஹிருத்திக் ரோஷனின் தாயார் பிங்கி ரோஷனும் இணைந்திருக்கிறார். 71 வயதான் பிங்கி ரோஷன் ஆடும் வீடியோவை ஹிரித்திக் ரோஷன் தன் இன்ஸ்டாகிராம் பக்கத்தில் பகிர்ந்திருக்கிறார்.

அந்த வீடியோவில், ``உங்கள் அம்மா ஒரு பாடலின் ஹுக் ஸ்டெப்பை ஒரு நாள் செலவழித்து கற்றுக்கொண்டு, அதை சரியான நடனமாடும்போது ஒரு மில்லியனாய் ஜொலிக்கிறார் என்றால், அந்தப் பாடல் நிச்சயம் ஒரு சூப்பர் ஹிட் (Chartbuster) தான்! அம்மா நீங்க அற்புதமாக நடனமாடுகிறீர்கள். நான் உங்களை மிகவும் நேசிக்கிறேன்" எனப் பகிர்ந்திருக்கிறார்.

ஹிரித்திக் ரோஷனின் முன்னாள் மனைவி சுசான் கான்,``ரொம்ப அழகா இருக்கு!!!" எனக் குறிப்பிட்டிருக்கிறார். நடிகை பிரியங்கா சோப்ரா, "அம்மா பெஸ்ட்" என்று கருத்து தெரிவித்திருக்கிறார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/JSk78H7siYK4aL2qO1RglR

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/JSk78H7siYK4aL2qO1RglR