சமூக ஊடகங்களில் சிறுவா்களுக்குத் தடை: ஆஸ்திரேலிய மாகாணங்கள் ஆதரவு
Vivek Ramaswamy: அமெரிக்க அதிபர் தேர்தல் அறிவிக்கப்பட்டது முதல் பேசப்பட்டு வந்த நபர் விவேக் ராமசாமி. குடியரசு கட்சியின் வளர்ந்துவரும் அரசியல்வாதியான இவர் அதிபர் வேட்பாளருக்கான போட்டியில் கூட பங்கேற்றார்.
ட்ரம்ப் அதிபர் வேட்பாளராக அறிவிக்கப்பட்டது முதல் குடியரசு கட்சியின் வெற்றிக்காக பணியாற்றிவந்தார் விவேக் ராமசாமி. ட்ரம்ப்பின் வெற்றிக்குப் பிறகு அவரை, "He is an American Badass" என்று புகழ்ந்திருக்கிறார் விவேக்.
"அவர்கள் அவரை தகுதி நீக்கம் செய்ய முயன்றனர். சிறையில் அடைக்கவும், இரண்டு முறை அவரைக் கொலை செய்யவும் முயன்றனர். ஆனால் எதுவும் பலனளிக்கவில்லை. அவர்கள் அவரைக் குறைத்து மதிப்பிட்டுவிட்டனர். அமெரிக்க மக்களை குறைத்து மதிப்பிட்டுவிட்டனர்" என்று ட்ரம்ப்பின் வெற்றி குறித்துப் பேசியுள்ளார் விவேக் ராமசாமி.
இந்திய வம்சாவளி தொழிலதிபரான விவேக் ராமசாமி, தடையற்ற சந்தை முதலாளித்துவத்தை ஆதரிப்பதும் கார்பரேட் விழிப்புணர்ச்சி பற்றிய அவரது பேச்சுகளும் குடியரசு கட்சியில் அவரது செல்வாக்கை உயர்த்த உதவின.
தேர்தலில் ட்ரம்ப்பின் 'பொருளாதார பிரசாரங்களில்' பங்கேற்றார். தொழில் வளர்ச்சி மற்றும் 'இடதுசாரி தன்மைகளுக்கு' எதிரான இவரது பிரசாரங்கள் களத்தில் எடுபட்டன.
அமெரிக்கா எப்போதும் விதிவிலக்கான, உலகிலேயே சக்தி வாய்ந்த நாடாக இருக்க விரும்புகிறது எனப் பேசிய ராமசாமி, "ட்ரம்ப்பின் கம்பேக், அமெரிக்காவின் கம்பேக்" என்றதுடன், "நம் நாட்டுக்கு இப்போது ஒரு Badass Commander-in-Chief தேவை. சரியாக அதைத்தான் நாம் பெற்றிருக்கிறோம்" என்றும் பேசியுள்ளார்.
விவேக் ராமசாமி தனது தேர்தல் பணிகள் மூலம் ட்ரம்ப்பின் நம்பிக்கையைப் பெற்றிருக்கிறார். ட்ரம்ப் எதிர்காலத்தில் விவேக் ராமசாமி சிறந்த தலைவராக உருவாக வாய்ப்புள்ளதாக பேசியிருக்கிறார்.
பென்சில்வேனியாவின் ஸ்க்ரான்டன் பகுதியில் நடந்த பிரசார கூட்டத்தில் விவேக் ராமசாமியை "He is Smart as Hell" எனப் புகழ்ந்தார் ட்ரம்ப்.
"இவர் நமது நிர்வாகத்தில் இடம்பெறுவார் என நம்புகிறேன். இவரை அரசின் பெரிய துறைகளில் அமர்த்தினாலும் நாம் சிந்திக்கும் வேறுயாரையும் விட சிறப்பான வேலையைச் செய்துமுடிப்பார் விவேக்" என்று பேசினார் ட்ரம்ப்.
குடியரசுக் கட்சியின் அதிபர் வேட்பாளராக முயற்சித்தவர்களுள் மிகவும் இளையவர் விவேக் ராமசாமி (38). ட்ரம்ப் மீண்டும் அதிபர் வேட்பாளராக தேர்ந்தெடுக்கப்பட்டாலும் தொடர்ந்து கட்சியின் பிரதிநிதியாக ட்ரம்ப்பின் தேர்தல் வெற்றிக்கு உதவினார். குடியரசு கட்சியைப் பொருத்தவரையில் எதிர்காலத்தில் சிறந்த தலைவராகக்கூடிய ஆற்றல் கொண்டவராக விவேக் ராமசாமி திகழ்கிறார்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb
