‘அஞ்சல் வழி கூட்டுறவு மேலாண்மை பட்டயப் பயிற்சி: ஜூன் 2 வரை சேரலாம்’

தூத்துக்குடி மாவட்ட கூட்டுறவு நிறுவனங்களில் பணியாற்றுவோா் அஞ்சல் வழியில் கூட்டுறவு மேலாண்மை பட்டயப் பயிற்சி பெற ஜூன் 2ஆம் தேதி வரை விண்ணப்பிக்கலாம் என இணைப்பதிவாளா் இரா. ராஜேஷ் தெரிவித்துள்ளாா்.

இது குறித்து அவா் வெளியிட்டுள்ள செய்திக்குறிப்பு:

தூத்துக்குடி கடற்கரை சாலையில், மதுரா கோட்ஸ் தொழிலாளா் கூட்டுறவு பண்டகசாலை வளாகத்தில் அமைந்துள்ள தமிழ்நாடு கூட்டுறவு ஒன்றியத்தின் ஓா் அங்கமாக செயல்படும் தூத்துக்குடி கூட்டுறவு மேலாண்மை நிலையத்தில் 2024-25ஆம் ஆண்டுக்கான, 24ஆவது அஞ்சல்வழி கூட்டுறவு மேலாண்மை பட்டயப் பயிற்சிக்கு மாணவா் சோ்க்கை நடைபெற்ரு வருகிறது. இப் பயிற்சியில் கூட்டுறவு நிறுவனங்களில் பணியாற்றும் பணியாளா்கள் மட்டுமே இணையவழி மூலமாக விண்ணப்பிக்கலாம். இப்பயிற்சிக்கு விண்ணப்பிக்க மே 6ஆம் தேதி கடைசி நாளாக அறிவிக்கப்பட்டிருந்த நிலையில், தற்போது கால அவகாசம் ஜூன் 2ஆம் தேதி வரை நீட்டிக்கப்பட்டுள்ளது. எனவே, விருப்பமுள்ள கூட்டுறவு நிறுவன பணியாளா்கள் ஜ்ஜ்ஜ்.ற்ய்ஸ்ரீன்.ற்ய்.ஞ்ா்ஸ்.ண்ய் என்ற இணையதளம் மூலமாக மேற்கூறிய தேதிக்குள் விண்ணப்பிக்கலாம். மேலும், தகவல்களுக்கு கூட்டுறவு மேலாண்மை நிலைய தொலைபேசி எண் 04612334555 அல்லது மேலாண்மை நிலைய முதல்வரின் கைப்பேசி எண் 9442925056 ஆகியவற்றைத் தொடா்பு கொள்ளலாம் என அவா் தெரிவித்துள்ளாா்.