அதிமுக - பாஜக கூட்டணியை சிறுபான்மையினா் நம்பமாட்டாா்கள்: அன்பில் மகேஸ்

அதிமுக - பாஜக கூட்டணியைச் சிறுபான்மையினா் நம்பமாட்டாா்கள் என்றாா் பள்ளிக் கல்வித் துறை அமைச்சா் அன்பில் மகேஸ் பொய்யாமொழி.

தஞ்சாவூா் கலைஞா் அறிவாலயத்தில் வெள்ளிக்கிழமை நடைபெற்ற திமுக மாணவரணி மாவட்ட அமைப்பாளா்கள், துணை அமைப்பாளா்களின் மண்டல அளவிலான ஆய்வுக் கூட்டத்தில் பங்கேற்ற அவா் பின்னா் தெரிவித்தது: அதிமுக - பாஜக கூட்டணியால் சிறுபான்மையினருக்கு எந்தப் பாதிப்பும் இருக்காது என்பது பூனைக்கும் காவல், பாலுக்கும் காவல் போன்றது. இக்கூட்டணியை சிறுபான்மையினா் நம்பமாட்டாா்கள். அதிமுகவை சோ்ந்த 50 ஆண்டுகால இஸ்லாமிய உறுப்பினா் ஒருவா் மிகுந்த மன வருத்தத்துடன் கட்சியை விட்டு வெளியேறியுள்ளதே இதற்குச் சாட்சி.

தமிழ்நாடு முழுவதும் திமுக மாணவரணியில் 10 ஆம் வகுப்பு முடித்த மாணவ, மாணவிகள் பல லட்சம் போ் உறுப்பினராக இணைகின்றனா். குறிப்பாக மாணவிகள் அதிகளவில் இணைகின்றனா். இதற்கு நான் முதல்வன், தமிழ்ப்புதல்வன் திட்டங்களே காரணம் என்றாா் அமைச்சா்.

கூட்டத்தில் மக்களவை உறுப்பினா் ச. முரசொலி, எம்எல்ஏக்கள் துரை. சந்திரசேகரன், டி.கே.ஜி. நீலமேகம், மேயா் சண். ராமநாதன், துணை மேயா் அஞ்சுகம் பூபதி, திமுக மாணவரணி மாநிலச் செயலா் ராஜீவ்காந்தி, துணைச் செயலா்கள் சோழராஜன், ஈரோடு வீரமணி, தஞ்சாவூா், திருவாரூா், நாகை, திருச்சி, புதுக்கோட்டை உள்பட 15-க்கும் அதிகமான மாவட்டங்களைச் சோ்ந்த நிா்வாகிகள் கலந்து கொண்டனா்.