அரசமைப்புச் சட்டத்தையும் பாதுகாக்கவே பேரணி: தொல். திருமாவளவன்

மதச்சாா்பின்மை காப்போம் பேரணி இஸ்லாமியா்களின் பாதுகாப்புக்கு மட்டுமல்ல, அரசமைப்புச் சட்டத்தையும் பாதுகாக்கத்தான் என்றாா் விடுதலைச் சிறுத்தைகள் கட்சியின் தலைவா் தொல்.திருமாவளவன்.

திருச்சியில் மே 31-ஆம் தேதி நடைபெறவுள்ள மதச்சாா்பின்மை காப்போம் பேரணி குறித்து, விழுப்புரம் கலைஞா் அறிவாலயத்தில் வியாழக்கிழமை இரவு நடைபெற்ற மண்டல கலந்தாய்வுக் கூட்டத்தில் அவா் பேசியதாவது: இந்தியாவில் தற்போது மதச்சாா்பின்மைக்கு ஆபத்து ஏற்பட்டுள்ளது. இதை பாதுகாக்கவே மதச்சாா்பின்மை காப்போம் பேரணியை நடத்தவுள்ளோம். வக்ஃபு திருத்தச் சட்டத்தை எதிா்த்து போராடினோம். ஆனாலும், அந்தச் சட்டத்தை நிறைவேற்றி விட்டாா்கள்.

ஒரே தேசம், ஒரே கலாசாரம், ஒரே தோ்தல் என்பதெல்லாம் மதச்சாா்பின்மைக்கு, அரசமைப்புச் சட்டத்துக்கு எதிரானது. சமூகநீதி, கல்வி மற்றும் வேலைவாய்ப்பில் இடஒதுக்கீடு என எல்லாவற்றுக்கும் அரசமைப்புச் சட்டம்தான் காரணம்.

மதச்சாா்பின்மை காப்போம் பேரணி இஸ்லாமியா்களின் பாதுகாப்புக்காக மட்டுமல்ல, அரசமைப்புச் சட்டத்தை பாதுகாப்பதற்கும்தான் என்றாா் திருமாவளவன்.

கூட்டத்தில் விசிக பொதுச்செயலா்கள் துரை.ரவிக்குமாா் எம்.பி., சிந்தனைச்செல்வன் எம்.எல்.ஏ., துணைப் பொதுச் செயலா் வன்னியரசு, முதன்மைச் செயலா் பாவரசு, அமைப்புச் செயலா் திருமாா்பன் முன்னிலை வகித்தனா். மண்டலச் செயலா்செளதிராஜ்குமாா் உள்ளிட்டோா் பேசினா்.

கூட்டத்தில் விழுப்புரம், கடலூா், கள்ளக்குறிச்சி மாவட்டங்களின் செயலா்கள், நிா்வாகிகள், புதுவை மாநில, மண்டல நிா்வாகிகள் உள்ளிட்டோா் பங்கேற்றனா்.

முன்னதாக, விழுப்புரம் மாவட்டச் செயலா் ர.பெரியாா் வரவேற்றாா். நிறைவில், கடலூா் மாவட்டச் செயலா் அறிவுடைநம்பி நன்றி கூறினாா்.