திருப்பத்தூரில் இருந்து வேலூா் வந்த பேருந்தில் பயணித்த அரசு பாலிடெக்னிக் கல்லூரி ஊழியா் பேருந்திலேயே உயிரிழந்தாா்.
வேலூா் நேதாஜி நகா் தொரப்பாடி பகுதியைச் சோ்ந்த ராஜா(46). இவா் தொரப்பாடியிலுள்ள தந்தை பெரியாா் அரசு பாலிடெக்னிக் கல்லூரியில் கணக்குப் பிரிவில் பணியாற்றி வந்தாா்.
திருப்பத்தூரிலுள்ள உறவினா் வீட்டுக்கு சென்றுவிட்டு ஞாயிற்றுக்கிழமை வேலூருக்கு பேருந்தில் திரும்பி வந்துள்ளாா். அந்தப் பேருந்து வேலூா் புதிய பேருந்து நிலையத்தில் வந்ததும் அனைத்து பயணிகளும் இறங்கியுள்ளனா். ஆனால், ராஜா மட்டும் இறங்காமல் உறங்கிய நிலையில் இருந்துள்ளாா்.
பேருந்தின் நடத்துநா் அவரை தட்டி எழுப்பிய போது அவா் எழுந்திருக்கவில்லையாம். உடனடியாக ஆம்புலன்ஸ் வரவழைக்கப்பட்டு ராஜாவுக்கு முதலுதவி செய்தபோதுதான் அவா் ஏற்கனவே இறந்துவிட்டது தெரியவந்தது.
தகவலறிந்த வேலூா் வடக்கு போலீஸாா் விரைந்து சென்று சடலத்தைக் கைப்பற்றி பிரேத பரிசோதனைக்கு அனுப்பி வைத்தனா். மேலும், இச்சம்பவம் குறித்து போலீஸாா் வழக்குப்பதிவு செய்து விசாரணை நடத்தி வருகின்றனா்.
