கேரளம் உள்பட 4 மாநிலங்களில் இடைத்தேர்தல்: வாக்குப்பதிவு தொடங்கியது!
அலோபதி மருந்துகள் அல்லது வழக்கமான நவீன மருத்துவம் சில நேரங்களில் பக்க விளைவுகளை ஏற்படுத்தக்கூடும். ஆனால், ஆயுா்வேத சிகிச்சைகள் பொதுவாக அவற்றிலிருந்து விடுபடாது என்று தில்லி முதல்வா் ரேகா குப்தா புதன்கிழமை தெரிவித்தாா்.
தில்லியில் ஷாலிமாா் பாக் மருத்துவமனையில் சோமா-தி ஆயுா்வேத சமையலறை என்ற ஆயுா்வேத கஃபேவை திறந்து வைத்துப் பேசுகையில் முதல்வா் ரேகா குப்தா இதைத் தெரிவித்தாா்.
அவா் மேலும் கூறியதாவது: சா்வதேச யோகா தினத்தைக் குறிக்கும் வகையில் ஜூன் 21 அன்று நகரம் முழுவதும் 11 இடங்களில் பெரிய அளவிலான யோகா நிகழ்ச்சிகளை தில்லி அரசு ஏற்பாடு செய்யும்.
ஆயுா்வேத சிகிச்சை பெற மகரிஷி ஆயுா்வேத மருத்துவமனைக்கு மக்கள் செல்ல வேண்டும் என கேட்டுக் கொள்கிறேன். ஆயுா்வேதத்தில் நம்பிக்கை கொண்ட பல வெளிநாட்டினா் சிகிச்சைக்காக இந்த மருத்துவமனைக்கு அடிக்கடி வருகிறாா்கள்.
எங்கள் துறவிகள் பல்வேறு வேதங்கள் மூலம் ஆயுா்வேதத்தை எங்களுக்கு அறிமுகப்படுத்தியது எங்கள் அதிா்ஷ்டம். இன்று, அலோபதி மருத்துவத்துடன், ஆயுா்வேதத்தையும் நாம் அணுக முடியும்.
அலோபதி மருந்துகள் சில நேரங்களில் பக்க விளைவுகளை ஏற்படுத்தக்கூடும். ஆனால், ஆயுா்வேத சிகிச்சைகள் பொதுவாக இதுபோன்ற பிரச்னைகளிலிருந்து விடுபடுகின்றன.
முந்தை ஆம் ஆத்மி அரசு யோகாவிற்கு ஒருபோதும் முக்கியத்துவம் கொடுக்கவில்லை. ஏனெனில், அவா்கள் அதை பிரதமா் நரேந்திர மோடியுடன் தொடா்புபடுத்தினா். மோடி யோகாவை உலக அரங்கிற்கு கொண்டு சென்றாா். இப்போது அது உலகம் முழுவதும் பின்பற்றப்படுகிறது.
யமுனா பேங்கில் நடைபெறும் யோகா நிகழ்வில் நான் பங்கேற்க உள்ளேன். நாம் அனைவரும் நம் ஆரோக்கியத்தை கவனித்துக் கொள்ள வேண்டும். நாம் ஆரோக்கியமாக இருக்கும்போதுதான் நாம் தேசத்திற்கு சேவை செய்ய முடியும் என்றாா் முதல்வா் ரேகா குப்தா.
