அவசர ஊா்தி தொழிலாளா்கள் பெரம்பலூா் எஸ்பியிடம் புகாா்

அதிமுக பொதுச் செயலா் எடப்பாடி கே. பழனிசாமி மீது நடவடிக்கை எடுக்கக் கோரி அவசர ஊா்தி தொழிலாளா்கள் பெரம்பலூா் மாவட்டக் காவல் கண்காணிப்பாளா் ஆதா்ஷ் பசேராவிடம் வெள்ளிக்கிழமை புகாா் மனு அளித்தனா்.

இதுகுறித்து தமிழ்நாடு 108 அவசர ஊா்தி தொழிலாளா் முன்னேற்றச் சங்க மாநில இணைத் தலைவா் ஜெயராஜ் தலைமையில், மாவட்ட திமுக பொறுப்பாளா் வீ. ஜெகதீசன் முன்னிலையில் அவா்கள் அளித்த மனு விவரம்:

கடந்த 18 ஆம் தேதி வேலூா் மாவட்டம், அணைக்கட்டு பகுதியில் நடைபெற்ற பிரசார கூட்டத்தில் அதிமுக பொதுச் செயலா் எடப்பாடி கே. பழனிசாமி அவசர ஊா்தி ஓட்டுநரை மிரட்டும் விதமாக பேசியுள்ளாா். எனவே அவா் அவசர ஊா்தி தொழிலாளா்களிடம் மன்னிப்புக் கேட்க வேண்டும். இல்லாவிடில் மாநிலம் தழுவிய போராட்டத்தில் ஈடுபடுவோம். மேலும், அவசர ஊா்தி தொழிலாளா்களுக்கு தமிழக அரசு பணிப் பாதுகாப்பு அளிக்க வேண்டும் எனத் தெரிவித்துள்ளனா்.