அவிநாசி அருகேயுள்ள தேவம்பாளையத்தில் உரிய ஆவணங்களின்றி தங்கியிருந்த உகாண்டா நாட்டை சோ்ந்த 2 பெண்களை போலீஸாா் சனிக்கிழமை கைது செய்தனா்.
திருப்பூா் மாவட்டம், அவிநாசி அருகேயுள்ள பழங்கரை ஊராட்சி, தேவம்பாளையம் ஜே.ஜே. நகரில் சந்தேகத்துக்கு இடமளிக்கும் வகையில் 2 பெண்கள் தங்கியிருப்பதாக போலீஸாருக்கு ரகசியத் தகவல் கிடைத்தது.
சம்பவ இடத்துக்குச் சென்ற போலீஸாா், அந்தப் பெண்களிடம் விசாரணை மேற்கொண்டனா்.
இதில், அவா்கள் உகாண்டா நாட்டை சோ்ந்த எல்லிண்டினா (34), நஹன்வஹி ஐசா (31) என்பதும், நுழைவு இசைவு (விசா) முடிந்தும் நீண்ட காலமாக தங்கியிருப்பதும் தெரியவந்தது.
இதையடுத்து, வெளிநாடுவாழ் தடைச் சட்டத்தின்கீழ் இருவா் மீதும் வழக்குப் பதிவு செய்த போலீஸாா், அவா்களை சென்னை புழல் சிறையில் அடைப்பதற்காக சனிக்கிழமை அழைத்துச் சென்றனா்.
