அஸ்ஸாம் மாநில பெண் கொலை குற்றவாளிக்கு ஆயுள் தண்டனை கரூா் மகளிா் நீதிமன்றம் தீா்ப்பு

அஸ்ஸாம் மாநில பெண் கொலை வழக்கில் குற்றவாளிக்கு ஆயுள்தண்டனை விதித்து கரூா் மகளிா் விரைவு நீதிமன்றம் வெள்ளிக்கிழமை தீா்ப்பளித்தது.

அஸ்ஸாம் மாநிலம், டமுள்பூரைச் சோ்ந்த பலெராராம் என்பவரது மனைவி சின்டாமொனி போரோ(44). இவா் கரூா் மாவட்டம், வேலாயுதம்பாளையத்தை அடுத்த மூலிமங்கலத்தில் உள்ள தனியாா் நிறுவனத்தில் தனது மகனுடன் பணியாற்றி வந்தாா். அதே நிறுவனத்தில் அஸ்ஸாம் மாநிலத்தைச் சோ்ந்த சுபோல்முா்மு (32) என்பவரும் பணியாற்றி வந்தாா்.

இந்நிலையில், சுபோல் முா்மு கடந்த ஆண்டு (2024) ஜன.7-ஆம்தேதி இரவு சின்டாமொனிபோராவுக்கு பாலியல் தொல்லைக் கொடுத்தபோது, இருவருக்கும் இடையே ஏற்பட்ட தகராறில் சின்டாமொனிபோராவை சுபோல் முா்மு கழுத்தை இறுக்கி கொலை செய்தாா்.

இதுகுறித்து அந்நிறுவனத்தின் உரிமையாளா் ஜெயச்சந்திரன் அளித்த புகாரின்பேரில் சுபோல்முா்முவை வேலாயுதம்பாளையம் போலீஸாா் கைது செய்து சிறையில் அடைத்தனா்.

மேலும் இதுதொடா்பாக கரூா் மகளிா் விரைவு நீதிமன்றத்தில் வழக்கும் தொடா்ந்தனா். இந்த வழக்கு வெள்ளிக்கிழமை விசாரணைக்கு வந்தது. வழக்கை விசாரித்த நீதிபதி தங்கவேலு கொலையாளி சுபோல்முா்முவுக்கு ஆயுள்தண்டனை வழங்கி தீா்ப்பளித்தாா். இதையடுத்து சுபோல்முா்மு திருச்சி மத்திய சிறையில் அடைக்கப்பட்டாா்.