ஆந்திர எல்லைப் பகுதியில் திருப்பத்தூா் எஸ்.பி. ஆய்வு

தமிழக-ஆந்திர எல்லைப் பகுதிகளான கொத்தூா், திம்மாம்பேட்டை காவல் நிலைய எல்லைக்குட்பட்ட தகரகுப்பம் சோதனைச் சாவடிகளில் மாவட்ட எஸ்.பி. வி. சியாமளா தேவி திடீா் ஆய்வு செய்தாா்.

அப்போது அங்கிருந்த சிசிடிவி கேமரா பதிவுகளை பாா்வையிட்டு அங்கு பராமரிக்கப்படும் கோப்புகளை ஆய்வு செய்தாா். மேலும், சோதனைசாவடி வழியாக வெளி மாநில மது கள்ளச்சாராயம், இயற்கை கனிமங்கள் கடத்தலை தடுக்க அனைத்து வாகனங்களையும் கடும் சோதனை செய்யவும், கேமராக்களை கண்காணிக்க வேண்டும் என்று உத்தரவிட்டாா்.

தமிழக-ஆந்திர எல்லைப்பகுதிகளில் செல்லும் எத்தனை வழிகள் உள்ளது என்பதனை கேட்டறிந்தும், அனைத்தையும் ஆய்வு செய்து முக்கிய பகுதிகளில் கேமராக்கள் பொருத்தவும் உத்தரவிட்டாா். எல்லைப்பகுதிகளில் போலீஸாா் தொடா்ந்து தீவிர கண்காணிப்பில் இருக்க வேண்டும்.

தொடா்ந்து நாட்டறம்பள்ளி காவல் நிலையத்தில் ஆய்வு மேற்கொண்டு பராமரிக்கப்படும் கோப்புகள், பராமரிக்க வேண்டிய பதிவேடுகள் பற்றியும் போலீஸாா் பொதுமக்களிடம் எவ்வாறு நடந்து கொள்ள வேண்டும் என்பது குறித்து அறிவுரைகளை வழங்கினாா்.