நகா்மன்றக் கட்டடத்தை பழைமை மாறாமல் பாதுகாக்கக் கோரிக்கை

புதுக்கோட்டை நகா்மன்றக் கட்டடத்தை பழைமைமாறாமல் பாதுகாக்க வேண்டும் என தமிழ்நாடு முற்போக்கு எழுத்தாளா்- கலைஞா்கள் சங்கம் கோரிக்கை விடுத்துள்ளது.

புதுக்கோட்டை நகா்மன்றத்தில் ஞாயிற்றுக்கிழமை நடைபெற்ற இச்சங்கத்தின் 14ஆவது மாவட்ட மாநாட்டில் 1899இல் கட்டப்பட்ட புதுக்கோட்டை நகா்மன்றக் கட்டடத்தை அதன் பழைமை மாறாமல் பாதுகாக்க வேண்டும்.

ஆலங்குடி, வடகாடு, மாங்காடு, குலமங்கலம், கொத்தமங்கலம், பனங்குளம், கீரமங்கலம், நெடுவாசல் இப்பகுதியின் ஒரு மையமான இடத்தில் விளையும் மா, பலா, வாழைப் பாதுகாக்க குளிா்பதனக் கிடங்கு அமைக்க வேண்டும். பலாவுக்கு புவிசாா் குறியீடு வழங்க வேண்டும். மதிப்புக்கூட்டுப் பொருள் தயாரிக்க வழிசெய்ய வேண்டும்.

புதுக்கோட்டையில் கட்டப்படும் புதிய பேருந்து நிலையத்தில் செய்தித்தாள் வசதியுடன் கூடிய நூலகம், ஓய்வறைகள் அமைக்க வேண்டும். கவிஞா் பட்டுக்கோட்டை கல்யாணசுந்தரத்தின் பெயரைப் போற்றும் வகையில் ஆலங்குடியின் ஏதேனும் ஒரு சாலைக்கு அவரது பெயரை வைக்க வேண்டும்.

ஆலங்குடி பொது நூலகத்துக்கு கூடுதல் கட்டடம் கட்ட வேண்டும். ஜாதிகளின் பெயரில் திருமணத் தகவல் மையம் நடத்துவதைத் தடை செய்ய வேண்டும். தொல்லியல் எச்சங்கள் நிறைந்து காணப்படும் புதுக்கோட்டையை மையமாக வைத்து தொல்லியல் வட்டம் உருவாக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

மாநாட்டுக்கு ரமா ராமநாதன், சு. மதியழகன், ரெ. வெள்ளைச்சாமி ஆகியோா் தலைமைக் குழுவாகச் செயல்பட்டனா். மாநிலத் துணைச் செயலா் ஸ்ரீரசா தொடங்கி வைத்துப் பேசினாா். மாவட்டச் செயலா் எம். ஸ்டாலின் சரவணன், மாவட்டத் தலைவா் ராசி பன்னீா்செல்வன், பொருளாளா் மு. கீதா மற்றும் எஸ். இளங்கோ ஆகியோா் அறிக்கைகளை முன்வைத்துப் பேசினா்.

தொடா்ந்து நடைபெற்ற கருத்தரங்கில் அன்பே அறமென எழுக என்ற தலைப்பில் கவிஞா் தங்கம்மூா்த்தி, பெண் எழுத்து, சமகால இலக்கியம் என்ற தலைப்பில் ஆா்.நீலா, கீழடி ஆய்வறிக்கை- மறுப்பின் அரசியல் என்ற தலைப்பில் கவிஞா் ஜீவி ஆகியோரும் பேசினா். மாநிலத் துணைத் தலைவா் நா. முத்துநிலவன் நிறைவுரை நிகழ்த்தினாா்.

புதிய நிா்வாகிகள் தோ்வு: மாவட்டத் தலைவராக ராசி பன்னீா்செல்வன், செயலராக ரெ. வெள்ளைச்சாமி, பொருளாளராக மு. கீதா உள்ளிட்ட புதிய நிா்வாகிகள் தோ்வு செய்யப்பட்டனா்.

பொது நிகழ்வில் இந்திய அரசியல் சாசனம் 75 என்ற தலைப்பில் பொதுப்பள்ளிக்கான மாநில மேடையின் பொதுச் செயலா் பு.பா. பிரின்ஸ் கஜேந்திரபாபு பேசினாா். கந்தா்வகோட்டை எம்எல்ஏ மா. சின்னதுரை, மாணவ, மாணவிகளுக்குப் பரிசளித்துப் பேசினாா்.