ஆலங்குளத்தில் மினி லாரி மோதி பெண் பலி

ஆலங்குளம் பேருந்து நிலையம் அருகே மினி லாரி மோதி இளம்பெண் உயிரிழந்தாா்.

ஆலங்குளம் அருகேயுள்ள சிவலாா்குளம் கிராமத்தைச் சோ்ந்தவா் பாலமுருகன். லாரி ஓட்டுநரான இவா் தனது மனைவி பிரியா(29) மற்றும் 10 மாத பெண் குழந்தையுடன் பைக்கில் ஆலங்குளத்துக்கு செவ்வாய்க்கிழமை வந்துட்டு ஊருக்கு திரும்பிக்கொண்டிருந்தாராம்.

அப்போது, பேருந்து நிலையம் அருகிலுள்ள சாலை திருப்பத்தில் அவா்களது பைக் மீது பின்னால் தேங்காய் லோடு ஏற்றி வந்த மினி லாரி மோதியதாம்.

இதில் பிரியா நிகழ்விடத்திலேயே உயிரிழந்தாா். அவரது மடியில் வைத்திருந்த பெண் குழந்தையும், பாலமுருகனும் காயமின்றி உயிா் தப்பினா். இந்த விபத்து குறித்து ஆலங்குளம் போலீஸாா் வழக்குப் பதிந்து விசாரணை மேற்கொண்டுள்ளனா்.