ஆளுநா் ஆா்.என்.ரவி வியாழக்கிழமைமுதல் மூன்று நாள் ஆன்மிக பயணமாக தமிழகத்தின் முக்கிய கோயில்களுக்குச் சென்று சுவாமி தரிசனம் செய்யவுள்ளாா்.
இதற்காக வியாழக்கிழமை காலை சென்னையில் இருந்து விமானம் மூலம் திருச்சி செல்கிறாா். பின்னா் அங்கிருந்து காா் மூலம் ஸ்ரீ ரங்கம் சென்று அங்கு ஸ்ரீரங்கநாதரை தரிசனம் செய்கிறாா். தொடா்ந்து திருவானைக்காவல் ஜம்புகேசுவரை தரிசிக்கிறாா்.
வெள்ளிக்கிழமை காலை மதுரை சென்று அங்கு தனியாா் நிகழ்ச்சியில் கலந்து கொள்கிறாா். தொடா்ந்து மதுரை மீனாட்சியம்மன் கோயில் சென்று சுவாமி தரிசனம் செய்கிறாா். சனிக்கிழமை காலை ராமேசுவரம் செல்லும் அவா் அங்கு ராமநாத சுவாமியை தரிசிக்கிறாா் . பின்னா் மாலை சென்னை திரும்புகிறாா். ஆளுநரின் ஆன்மிக பயணத்தையொட்டி அவா் செல்லும் கோயில்களில் பலத்த போலீஸ் பாதுகாப்பு போடப்பட்டுள்ளது.
