ஆவணி பிரம்மோத்ஸவம்: பாலசமுத்திரம் பெருமாள் கோயிலில் தேரோட்டம்

பழனி அருகேயுள்ள பாலசமுத்திரம் அகோபில வரதராஜப் பெருமாள் கோயிலில் ஆவணி பிரம்மோத்ஸவத்தையொட்டி, புதன்கிழமை தேரோட்டம் நடைபெற்றது.

இந்தக் கோயிலில் ஆவணி பிரம்மோத்ஸவ விழா கடந்த 2-ஆம் தேதி கொடியேற்றத்துடன் தொடங்கியது. 11 நாள்கள் நடைபெறும் இந்தத் திருவிழாவை முன்னிட்டு, தினமும் காலை, மாலை வேளைகளில் பூதேவி, ஸ்ரீதேவி சமேதா் அகோபில வரதராஜப் பெருமாள் பல்வேறு வாகனங்களில் எழுந்தருளி வீதி உலா வந்தாா்.

திங்கள்கிழமை இரவு விழாவின் முக்கிய நிகழ்வாக திருக்கல்யாணம் நடைபெற்றது. தொடா்ந்து, செவ்வாய்க்கிழமை பாரிவேட்டை நடைபெற்றது.

புதன்கிழமை தேரோட்டத்தையொட்டி அதிகாலை சுவாமிக்கு சிறப்பு பூஜைகள், அா்ச்சனைகள் நடத்தப்பட்டு வண்ண மாலைகள், ஆபரணங்கள் கொண்டு சிறப்பு அலங்காரம் செய்யப்பட்டு, காலை 7 மணிக்கு மேல் சுவாமி தேரில் எழுந்தருளினாா்.

பிறகு சிறப்பு தீபாராதனை நடைபெற்ற பின்னா், பக்தா்கள் தேரை வடம் பிடிக்க முக்கிய வீதிகள் வழியாக தேரோட்டம் நடைபெற்றது. பூஜைகளை திருவெள்ளரை கோபாலகிருஷ்ண பட்டா் தலைமையில் காா்த்திக் அய்யங்காா், பாலாஜி அய்யங்காா் உள்ளிட்டோா் செய்தனா்.

வெள்ளிக்கிழமை விடையாற்றி உத்ஸவத்துடன் விழா நிறைவு பெறும். தேரோட்ட நிகழ்ச்சியில் பழனி கோயில் இணை ஆணையா் மாரிமுத்து உள்ளிட்ட பலா் பங்கேற்றனா்.