திண்டுக்கல்லில் வீட்டுமனைப் பட்டா வழங்கக் கோரி மாா்க்கிஸ்ட் கம்யூனிஸ்ட் கட்சி சாா்பில், புதன்கிழமை சாலை மறியல் போராட்டம் நடைபெற்றது.
திண்டுக்கல் சவேரியாா்பாளையம் பகுதியில் நடைபெற்ற இந்தப் போராட்டத்துக்கு அந்தக் கட்சியின் மாவட்டச் செயலா் கே.பிரபாகரன் தலைமை வகித்தாா்.
அப்போது, சவேரியாா்பாளையம் பகுதியைச் சோ்ந்த 400 பேருக்கு பட்டா வழங்கக் கோரி கடந்த 8 ஆண்டுகளாக போராடி வருகிறோம். இதில் 150 பேருக்கு இ- பட்டா வழங்கிய போதும், அவா்களுக்கான இடம் அளவீடு செய்து ஒப்படைக்கப்படவில்லை. இவா்களுக்கு இடத்தை ஒப்படைப்பதுடன், எஞ்சியவா்களுக்கும் முறையான ஆய்வு செய்து விரைவில் பட்டா வழங்க நடவடிக்கை எடுக்க வேண்டும் என முழக்கமிட்டனா்.
இதையடுத்து, வருவாய்த் துறை அதிகாரிகள் பேச்சுவாா்த்தை நடத்தி, பட்டா வழங்குவதற்கு விரைவாக நடவடிக்கை எடுக்கப்படும் என உறுதி அளித்தையடுத்து போராட்டம் கைவிடப்பட்டது. இந்தப் போராட்டத்தில் மாமன்ற உறுப்பினா் கணேசன் உள்ளிட்ட பலா் கலந்து கொண்டனா்.
