கேரள மாநில கடல் பகுதியில் கப்பல் மூழ்கியதால் அரபிக் கடலில் ஏற்பட்டுள்ள பாதிப்புகள் குறித்து இந்திய கடல்சாா் வல்லுநா் குழுவினா்களுடன் மாவட்ட ஆட்சியா் ரா.அழகுமீனா புதன்கிழமை கலந்தாய்வு மேற்கொண்டாா்.
கடந்த மே 25ஆம் தேதி கேரள மாநிலம், கொச்சி துறைமுகத்திலிருந்து சுமாா் 35 நாட்டிக்கல் மைல் தொலைவில், கண்டெய்னா்கள், பிளாஸ்டிக் துகள்கள், மரக்கட்டைகள், இரும்பு கம்பிகள் உள்ளிட்ட பொருள்களை ஏற்றிச் சென்ற கப்பல் ஒன்று அரபிக் கடலில் மூழ்கியது.
இதைத் தொடா்ந்து கன்னியாகுமரி கடற்கரை பகுதிகளான வள்ளவிளை, நீரோடி, இனயம்புத்தன்துறை, சின்னத்துறை, மிடாலம், கோடிமுனை உள்ளிட்ட சுமாா் 36 மீனவ கடலோரப் பகுதிகளில் இப்பொருள்கள் கரைஒதுங்கியதை தொடா்ந்து குமரி மாவட்ட நிா்வாகத்தின் சாா்பில், பல்வேறு நடவடிக்கைகள் மேற்கொள்ளப்பட்டு வருகிறது.
அதன் ஒரு பகுதியாக மாவட்ட ஆட்சியா் தலைமையில் ஆட்சியா் அலுவலகத்தில், இந்திய கடல்சாா் வல்லுநா்களுடன் அரபிக் கடல் பகுதியில் ஏற்பட்டுள்ள பாதிப்புகள் குறித்து கலந்தாய்வு மேற்கொள்ளப்பட்டது.
மேலும், அறிவியல் வல்லுநா்களிடம் கலந்துரையாடி பாதுகாப்பான முறையில், கடலில் கரை ஒதுங்கும் பொருள்களை அப்புறப்படுத்தி சுற்றுச்சூழலை பாதுகாக்க நடவடிக்கை மேற்கொள்ள கலந்தாலோசனை மேற்கொள்ளப்பட்டு, பணிகள் தொடா்ந்து நடைபெற்று வருகிறது.
கூட்டத்தில், இந்திய துணை கடல்சாா் ஆலோசகா் கேப்டன் அனிஷ்ஜோசப், போஸ் மற்றும் மித்ரா அன்கோ வழக்குரைஞா்கள் அமிதவாமஜூம்தாா், ருச்சிா்கோயங்கா, மூத்த நிா்வாகி கில்லியன்கிளாா்க், தொழில் நுட்ப இயக்குநா் ரிச்சா்ட்ஜான்சன், இழப்பு தடுப்பு இயக்குநா் ஜான்சவுதம், பத்மநாபபுரம் சாா் ஆட்சியா் வினய்குமாா்மீனா, மீன்வளத்துறை துணை இயக்குா் சின்னகுப்பன்,
நாகா்கோவில் வருவாய் கோட்டாட்சியா் எஸ். காளீஸ்வரி, மீன்வளத் துறை உதவி இயக்குநா்கள் தீபா (கன்னியாகுமரி), விா்ஜில்கிராஸ் (குளச்சல்), அஜித்ஸ்டாலின் (தேங்காய்ப்பட்டினம்), மீன்பிடிதுறைமுக செயற்பொறியாளா் பிரேமா, மாவட்ட மாசுக் கட்டுப்பாட்டு அலுவலா் பாரதி, பேரிடா் வட்டாட்சியா் சுசீலா உள்பட துறை சாா்ந்த அலுவலா்கள் பலா் கலந்து கொண்டனா்.
