இலங்கையில் போதைப்பொருள் கடத்தியதாக இந்தியாவைச் சோ்ந்த 38 வயது பெண் கைது செய்யப்பட்டாா். அவரிடம் இருந்து 1.2 கிலோ போதைப்பொருள் கைப்பற்றப்பட்டதாக தெரிவிக்கப்பட்டுள்ளது.
இது தொடா்பாக அந்நாட்டு அதிகாரிகள் கூறியதாவது:
தாய்லாந்தில் இருந்து கொழும்பு பண்டாரநாயக விமான நிலையத்துக்கு வந்த இந்திய பெண்ணிடம் இலங்கை சுங்கத் துறையின் போதைப்பொருள் தடுப்புப் பிரிவினா் சோதனை நடத்தினா். அப்போது, அவரிடம் இருந்து 1.2 கிலோ போதைப்பொருள் கைப்பற்றப்பட்டது. அவரது பையில் பதப்படுத்தப்பட்ட உணவுப் பொருள் பாக்கெட்டுக்கு கீழ் இந்த போதைப்பொருளை மறைத்து வைத்து எடுத்து வந்துள்ளாா்.
அடுத்த கட்ட விசாரணைக்காக அந்தப் பெண் இலங்கை காவல் துறையின் போதைப்பொருள் தடுப்புப் பிரிவிடம் அப்பெண் ஒப்படைக்கப்பட்டாா். காவல் துறையினா் அவரைக் கைது செய்தனா் என்று அதிகாரிகள் தெரிவித்தனா்.
