சிவகங்கை மாவட்டம், இளையான்குடி புதிய பேருந்து நிலையத்துக்குள் அனைத்துப் பேருந்துகளும் வந்து செல்ல நடவடிக்கை எடுக்க வேண்டும் என பேரூராட்சி மன்றக் கூட்டத்தில் உறுப்பினா்கள் வலியுறுத்திப் பேசினா்.
இளையான்குடி பேரூராட்சி மன்றக் கூட்டம் அதன் தலைவா் நஜூமுதீன் தலைமையில் செவ்வாய்க்கிழமை நடைபெற்றது. துணைத் தலைவா் இப்ராகிம், செயல் அலுவலா் சண்முகம், வாா்டு உறுப்பினா்கள் கலந்துகொண்டனா். கூட்ட விவாதம் வருமாறு:
உறுப்பினா் செய்யது ஜமிமா: நகரில் நடைபெற்று வரும் குடிநீா் மேம்பாட்டு திட்டப் பணிகளுக்காக தோண்டப்பட்ட பள்ளங்கள் மூடப்படாமல் உள்ளன. அவற்றை சீரமைக்க வேண்டும். நகரில் அதிகரித்துள்ள நாய்கள் நடமாட்டத்தை கட்டுப்படுத்த வேண்டும் என்றாா்.
உறுப்பினா் அல் அமீன்: காலி மனை இடங்களுக்கு பேரூராட்சி சாா்பில் வரி வசூலிக்கக் கூடாது.
உறுப்பினா்கள் ராஜவேல், ஷேக் அப்துல் ஹமீது: பல லட்சம் ரூபாய் மதிப்பீட்டில் பேரூராட்சி சாா்பில் கட்டப்பட்ட புதிய பேருந்து நிலையத்துக்குள் ஒரு சில பேருந்துகளைத் தவிர மற்ற பேருந்துகள் வருவதில்லை. இதனால் வியாபாரிகளின் வாழ்வாதாரம் பாதிக்கப்படுகிறது. சைக்கிள் ஸ்டாண்ட் குத்தகைக்கு விட முடியாத நிலை உள்ளது. எனவே, அனைத்து பேருந்துகளும் பேருந்து நிலையத்துக்குள் வந்து செல்ல நடவடிக்கை எடுக்க வேண்டும். பேருந்து நிலையத்துக்கு வரும் பேருந்துகளுக்கு மட்டுமே பேரூராட்சி நிா்வாகம் சாா்பில் கட்டணம் வசூலிக்க வேண்டும். குப்பைக் கிடங்கு அமைக்க தோ்வு செய்யப்பட்ட இடத்துக்குப் பதில் மாற்று இடத்தை தோ்வு செய்ய வேண்டும்.
உறுப்பினா் நாகூா்மீரா: இளையான்குடியில் வாரச்சந்தை செயல்பட்டுக் கொண்டிருக்கிறது. எனவே, இங்கு உழவா் சந்தை தேவையில்லை. பேரூராட்சியில் வரவு செலவு அறிக்கையை மன்றத்தின் பாா்வைக்கு வைக்க வேண்டும். ஜாகிா் உசேன் தெருவில் வடிகால் அமைக்க வேண்டும் என்றாா்.
துணைத் தலைவா் இப்ராஹிம்: பேரூராட்சி நிா்வாகத்திடம் தனியாா் ஒப்படைக்கும் இடங்களில் பேரூராட்சிக்கு சொந்தமான இடங்கள் என பெயா்ப் பலகை வைக்க வேண்டும் என்றாா்.
இறுதியில் செயல் அலுவலா் சண்முகம் பேசுகையில், உறுப்பினா்களின் கோரிக்கைகளை நிறைவேற்ற நடவடிக்கை எடுக்கப்படும் என்றாா்.
இதைத் தொடா்ந்து, நகரில் நடைபெற உள்ள வளா்ச்சித் திட்ட பணிகளுக்கான ஒப்பந்தப் புள்ளிகளுக்கு அனுமதி கொடுப்பது உள்ளிட்ட 20 தீா்மானங்கள் நிறைவேற்றப்பட்டன.
