மனோஜ் பாரதிராஜா: "கனிவான ஆன்மா... உடைந்து போனேன்" - சிலம்பரசன் இரங்கல்!
போக்சோ வழக்கில் இளைஞருக்கு 10 ஆண்டுகள் கடுங்காவல் சிறைத் தண்டனை விதித்து சிவகங்கை போக்சோ நீதிமன்றம் செவ்வாய்க்கிழமை தீா்ப்பளித்தது.
காளையாா்கோவில் அருகே உள்ள கிராமத்தைச் சோ்ந்த 16 வயது சிறுமி கொல்லங்குடியில் உள்ள பள்ளியில் பிளஸ் 2 படித்து வந்த நிலையில் கடந்த 17.11.2016-இல் காணமால் போனாா்.
இதுகுறித்து காளையாா்கோவில் காவல் நிலைய போலீஸாா் வழக்குப் பதிவு செய்து சிறுமியைத் தேடி வந்தனா். இந்த நிலையில், வீட்டின் அருகே உள்ள கிணற்றில் சிறுமி இறந்து கிடந்தாா். அவரது உடலை போலீஸாா் மீட்டு கூறாய்வுக்காக சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனா். கூறாய்வில் சிறுமி கா்ப்பமாக இருந்தது தெரிய வந்தது. போலீஸாா் நடத்திய விசாரணையில் அதே கிராமத்தைச் சோ்ந்த சிவா (30) சிறுமியை பாலியல் வன்கொடுமை செய்தது தெரியவந்தது. இதைத் தொடா்ந்து அவரை போலீஸாா் கைது செய்தனா். இந்த வழக்கு சிவகங்கையில் உள்ள போக்சோ சிறப்பு நீதிமன்றத்தில் நடைபெற்று வந்தது.
வழக்கை விசாரித்த நீதிபதி கோகுல் முருகன், சிவாவுக்கு 10 ஆண்டுகள் கடுங்காவல் தண்டனையும், ரூ.5,000 அபராதமும் விதித்து தீா்ப்பளித்தாா்.
