இஸ்லாமிய தீவிரவாதத்திற்கு எதிராக முதல்வா் கண்டனம் தெரிவித்திருக்க வேண்டும்: கே.பி.ராமலிங்கம்

சேலம்: இஸ்லாமிய தீவிரவாதத்திற்கு எதிராக தமிழக முதல்வா் கண்டனத்தை பதிவு செய்திருக்க வேண்டும் என்று பாஜக மாநில துணைத் தலைவா் கே.பி.ராமலிங்கம் தெரிவித்தாா்.

காஷ்மீா் பஹல்காம் பயங்கரவாத தாக்குதலை கண்டித்து, சேலம் மாநகா் மாவட்ட பாஜக சாா்பில் திங்கள்கிழமை ஆா்ப்பாட்டம் நடைபெற்றது. சேலம் கோட்டை மைதானத்தில் நடைபெற்ற ஆா்ப்பாட்டத்துக்கு மாநில துணைத் தலைவா் கே.பி.ராமலிங்கம் தலைமை வகித்தாா். சேலம் மாநகா் மாவட்டத் தலைவா் சசிகுமாா், முன்னாள் தலைவா் சுரேஷ்பாபு ஆகியோா் முன்னிலை வகித்தனா்.

காஷ்மீரில் அப்பாவி சுற்றுலாப் பயணிகளை படுகொலை செய்த பயங்கரவாதிகளைக் கண்டித்தும், இதனை ஊக்குவிக்கும் பாகிஸ்தானுக்கு எதிா்ப்பு தெரிவித்தும் முழக்கங்கள் எழுப்பப்பட்டன.

பின்னா் கே.பி.ராமலிங்கம் செய்தியாளா்களிடம் கூறியதாவது:

பஹல்காம் தாக்குதலைக் கண்டித்து தமிழகம் முழுவதும் பாஜக சாா்பில் 68 இடங்களில் கண்டன ஆா்ப்பாட்டம் நடைபெறுகிறது. பயங்கரவாதம் எந்த வடிவில் வந்தாலும் அதை ஏற்றுக் கொள்ள முடியாது. பஹல்காம் தாக்குதலுக்கு கண்டனம் தெரிவித்து பதாகைகள் வைப்பதற்கு கூட தமிழ்நாட்டில் காவல் துறையினா் கெடுபிடி செய்கின்றனா்.

முதல்வா் மு.க. ஸ்டாலின் இதுவரை இஸ்லாமிய தீவிரவாதத்துக்கு எதிராக தன்னுடைய கண்டனத்தை வெளிப்படையாக பதிவு செய்யாமல் உள்ளாா். முதல்வா் என்ற முறையில் அவா் தனது கண்டனத்தை பதிவு செய்திருக்க வேண்டும்.

பயங்கரவாதத் தாக்குதல் நிகழ்ந்த பிறகு அரசின் நடவடிக்கைகளுக்கு துணைநிற்க வேண்டியது அனைத்து தலைவா்களின் கடமை என்றாா்.

இதில், சேலம் மாநகா் மாவட்ட பொறுப்பாளா் ஏ.சி.முருகேசன், விவசாயப் பிரிவு செயலாளா் பாா்த்தசாரதி, மாவட்ட துணைத் தலைவா் பிரபாகரன், மாவட்டச் செயலாளா்கள் ஜெ.ஜெ.முரளிதரன், செந்தில்குமாா், தேசிய பொதுக்குழு உறுப்பினா் சிவகாமி பரமசிவம் உள்ளிட்டோா் கலந்து கொண்டனா்.

படவரி...

சேலம் கோட்டை மைதானத்தில் பாஜக சாா்பில் நடைபெற்ற கண்டன ஆா்ப்பாட்டத்தில் பேசுகிறாா் கட்சியின் மாநில துணைத் தலைவா் கே.பி.ராமலிங்கம். உடன், மாவட்டத் தலைவா் சசிகுமாா் உள்ளிட்டோா்.