‘உங்களுடன் ஸ்டாலின்’ திட்ட முகாம்: ஆட்சியா் ஆய்வு

‘உங்களுடன் ஸ்டாலின்’ திட்ட முகாம் நடைபெற்ற இடங்களில் ஆட்சியா் ரா.பிருந்தாதேவி வியாழக்கிழமை நேரில் பாா்வையிட்டு ஆய்வு மேற்கொண்டாா்.

பின்னா், ஆட்சியா் தெரிவித்ததாவது:

‘உங்களுடன் ஸ்டாலின்’ என்ற திட்டத்தின்கீழ் சேலம் மாவட்டத்தில் வரும் நவ. 15-ஆம் தேதி வரை நகா்ப்புற பகுதிகளில் 168 முகாம்களும், ஊரகப் பகுதிகளில் 264 முகாம்களும் என மொத்தம் 432 சிறப்பு முகாம்கள் மூலம் பொதுமக்களின் கோரிக்கைகளுக்கு தீா்வு காணப்பட உள்ளது.

புதன்கிழமை முகாம் நடைபெற்ற 6 இடங்களில் பல்வேறு துறைகளின் சாா்பில் மொத்தம் 2,415 கோரிக்கை மனுக்கள் பெறப்பட்டுள்ளன. இதுதவிர, மகளிா் உரிமைத்தொகை கோரிக்கை தொடா்பாக 2,018 விண்ணப்பங்கள் பெறப்பட்டன.

அதன் தொடா்ச்சியாக, மூன்றாம்நாளான வியாழக்கிழமை நகா்ப்புறத்தை ஒட்டியுள்ள கிராம ஊராட்சி, ஆண்டிப்பட்டி பகுதிகளுக்குள்பட்டவா்களுக்கு ஆண்டிப்பட்டி, அண்ணா நகா் நூலகத்திலும், நரசிங்கபுரம் நகராட்சி வாா்டு 2, 3, 11-க்குள்பட்ட பகுதிகளுக்கு நரசிங்கபுரம் ஏகாம்பரம் மூப்பா் திருமண மண்டபத்திலும், கன்னங்குறிச்சி பேரூராட்சி வாா்டு 1, 2, 3, 4, 5, 6, 7-க்குள்பட்ட பகுதிகளுக்கு கன்னங்குறிச்சி கே.ஏ.டி. திருமண மண்டபத்திலும், ஏற்காடு ஊராட்சி ஒன்றியம், மாரமங்கலம், வாழவந்திக்குள்பட்ட பகுதிகளுக்கு வாழவந்தி சமுதாயக் கூடத்திலும், பெத்தநாயக்கன்பாளையம் ஊராட்சி ஒன்றியம், ஆரியபாளையம், ஏ.கரடிப்பட்டி, களரம்பட்டி, உமையாள்புரம், கோபாலபுரம் பகுதிகளுக்கு களரம்பட்டி ஊராட்சி மன்ற அலுவலகத்திலும் ‘உங்களுடன் ஸ்டாலின்’ திட்ட முகாம் நடைபெற்றது.

முகாம் நடைபெற்ற கன்னங்குறிச்சி பேரூராட்சி, அஸ்தம்பட்டி மண்டலம், சாரதா வித்யாலயா மேல்நிலைப் பள்ளி உள்ளிட்ட இடங்களில் மாவட்ட ஆட்சியா் ரா.பிருந்தாதேவி நேரில் ஆய்வுசெய்தாா்.

முன்னதாக, முகாம் நடைபெற்ற கன்னங்குறிச்சி பேரூராட்சி, கே.ஏ.டி. திருமண மண்டபத்தில் காதொலிக் கருவி வேண்டி மனு வழங்கிய மாற்றுத்திறனாளி மாணவருக்கு உடனடி நடவடிக்கை மேற்கொண்டு காதொலிக் கருவியை ஆட்சியா் வழங்கினாா்.

இந்த ஆய்வின்போது, உதவி ஆட்சியா் (பயிற்சி) விவேக் யாதவ், உதவி இயக்குநா் தணிக்கை மதுமிதா, கன்னங்குறிச்சி பேரூராட்சித் தலைவா் குபேந்திரன், சேலம் வட்டாட்சியா் பாா்த்தசாரதி உள்ளிட்டோா் உடனிருந்தனா்.