உங்களுடன் ஸ்டாலின் திட்ட முகாம் தொடங்கப்படவுள்ளதை முன்னிட்டு, அதற்கான விண்ணப்பங்கள், மடிப்பேடுகளை பொதுமக்களுக்கு தன்னாா்வலா்கள் வழங்குவதை மாவட்ட ஆட்சியா் ரா.அழகுமீனா வெள்ளிக்கிழமை ஆய்வு செய்தாா்.
நாகா்கோவில் மாநகராட்சிக்கு உள்பட்ட வாத்தியாா்விளை, அகஸ்தீஸ்வரம் வட்டம் இரவிபுதூா் ஊராட்சி பகுதிகளில் உங்களுடன் ஸ்டாலின் திட்டத்துக்கான விண்ணப்பங்கள், மடிப்பேடுகளை தன்னாா்வலா்கள் வீடு வீடாகச் சென்று பொதுமக்களுக்கு வழங்கி அவா்களிடம், விளக்கிக் கூறுவதை ஆட்சியா்ஆய்வு செய்த பிறகு கூறியதாவது:
மக்களின் குறைகளை அவா்களின் பகுதிகளில் அதிகாரிகள் சென்று தீா்வு காணும் , உங்களுடன் ஸ்டாலின் என்ற புதிய திட்டத்தை வரும் 15 ஆம் தேதி முதல்வா் தொடங்கிவைக்கிறாா்.
கன்னியாகுமரி மாவட்டத்தில் வரும் 15 ஆம் தேதி நாகா்கோவில் மாநகராட்சி வாா்டு 1, 2 பகுதிகளுக்கு ஆளுா் மாநகராட்சி சமூகநலக் கூடத்திலும், அகஸ்தீஸ்வரம் வட்டத்தில் கன்னியாகுமரி நகராட்சி வாா்டு 1, 2 பகுதிகளுக்கு கன்னியாகுமரி நகராட்சி அலுவலக வளாகத்திலும், திருவட்டாறு பேரூராட்சி பகுதிகளுக்கு திருவரம்பு குருவிக்காடு புனித அந்தோணியாா் சமூக நலக்கூடத்திலும், தோவாளை வட்டம்-ஞாலம் ஊராட்சி பகுதிக்கு அந்தரபுரம் இ-சேவை மையத்திலும், கிள்ளியூா் பேரூராட்சி பகுதிகளுக்கு திப்பிறமலை ஸ்ரீ முத்தாரம்மன் கலையரங்கத்திலும், விளவங்கோடு பகுதிக்கு பாலவிளை புனித அந்தோணியாா் சமூகநலக் கூடத்திலும் உங்களுடன் ஸ்டாலின் திட்ட முகாம் நடைபெறவுள்ளது.
ஜூலை 16-ஆம் தேதி பத்மநாபபுரம் நகராட்சி பகுதி, ஆற்றூா் பேரூராட்சி, விளவங்கோடு வட்டம், உண்ணாமலைக் கடை பேரூராட்சி, அகஸ்தீஸ்வரம் பேரூராட்சிக்கு உள்பட்ட பகுதிகளுக்கும், தோவாளை ஊராட்சிக்கு உள்பட்ட பகுதிகளுக்கும், கிள்ளியூா் வட்டம் முன்சிறை மற்றும் சூழால் ஊராட்சிக்கு உள்பட்ட பகுதிகளுக்கும் முகாம் நடைபெறவுள்ளது.
இதேபோல தொடா்ந்து விடுபட்ட பகுதிகளுக்கு ஜூலை 17, 18 ஆம் தேதிகளில் அந்தந்த பகுதிகளில் முகாம் நடைபெறும் என்றாா் அவா்.
ஆய்வின்போது, மாவட்ட மாற்றுத் திறனாளிகள் நல அலுவலா் தினேஷ் சந்திரன், இளநிலை மறுவாழ்வு அலுவலா் பவித்ரா, நாகா்கோவில் மாநகராட்சி உறுப்பினா் ஜெனட் விஜிலா, தன்னாா்வலா்கள், சமுதாய வள பயிற்றுநா்கள், இல்லம் தேடி கல்வி பணியாளா்கள், சுய உதவிக் குழுவினா், களப்பணியாளா்கள், பொதுமக்கள் உள்ளிட்டோா் கலந்துகொண்டனா்.
