போலீஸாருக்கு வார விடுமுறை எடுப்பதற்கான புதிய செயலி தமிழகத்திலேயே முதல்முறையாக கன்னியாகுமரி மாவட்டத்தில் வெள்ளிக்கிழமை அறிமுகப்படுத்தப்பட்டது.
கன்னியாகுமரி மாவட்ட போலீஸாா், காவல் கண்காணிப்பாளருடன் அமா்ந்து மனம் திறந்து கலந்துரையாடும் நிகழ்ச்சி மாவட்ட காவல் கண்காணிப்பாளா் அலுவலகத்தில் தினமும் நடைபெற்று வருகிறது.
அதில், பெரும்பான்மையான காவலா்களின் வேண்டுகோளுக்கிணங்க வார விடுமுறையை உறுதிப்படுத்தி மாவட்ட காவல் கண்காணிப்பாளா் நேரடியாக கண்காணிக்கும் வகையில் ‘ரெஸ்ட் என்ற செயலியை ஆப்) செயல்பாட்டை மாவட்ட காவல் கண்காணிப்பாளா் ஆயுதப்படை வளாகத்தில் நடைபெற்ற நிகழ்ச்சியில் தொடக்கிவைத்தாா். அப்போது அவா் பேசுகையில், மாவட்ட காவல்துறை மற்றும் ஆயுதப்படை போலீஸாருக்கு முறையாக வார விடுமுறை வழங்கப்பட வேண்டும். ஒவ்வொரு காவல் நிலையத்துக்கும் தனித்தனி கியூ ஆா் கோடு வழங்கப்பட்டுள்ளது. அதன் மூலம் செயலியில் விண்ணப்பிக்க வேண்டும். அந்தந்த காவல் ஆய்வாளா்கள் போலீஸாரின் வார ஓய்வு கோரிக்கைக்கு ஒப்புதல் அளிப்பா். உட்கோட்ட காவல் அதிகாரிகள் மற்றும் மாவட்ட காவல் கண்காணிப்பாளா் கண்காணிக்கும் வசதியும் உள்ளதால் போலீஸாருக்கான வார ஓய்வினை உறுதிப்படுத்த முடியும். இதே போல தற்போது போலீஸாருக்கான ஏ ஐ ஹேண்ட் புக் என்ற செயலி அறிமுகப்படுத்தப்பட்டுள்ளது. ஏ ஐ தொழில்நுட்பத்தில் இயங்கும் இந்த செயலியை பயன்படுத்தி போலீஸாா் தங்களுக்கு நிா்வாக ரீதியான சந்தேகங்களை தெளிவுபடுத்திக் கொள்ளலாம் என்றாா் அவா்.
நிகழ்ச்சியில், கூடுதல் காவல் கண்காணிப்பாளா் மதியழகன், உதவி காவல் கண்காணிப்பாளா் லலித்குமாா் உள்ளிட்டோா் கலந்து கொண்டனா்.
