உயிா்ம வேளாண்மை: 3 விவசாயிகளுக்கு நம்மாழ்வாா் விருது -முதல்வா் மு.க.ஸ்டாலின் வழங்கினாா்

உயிா்ம வேளாண்மையில் சிறந்து விளங்கும் மூன்று விவசாயிகளுக்கு நம்மாழ்வாா் விருதை முதல்வா் மு.க.ஸ்டாலின் வழங்கினாா். இதற்கான நிகழ்ச்சி தலைமைச் செயலகத்தில் வெள்ளிக்கிழமை நடைபெற்றது.

இதுகுறித்து, தமிழக அரசு வெளியிட்ட செய்தி: உயிா்ம வேளாண்மையில் ஈடுபடும் விவசாயிகளை மேலும் ஊக்குவிக்கும் வகையில் அவா்களுக்கு நம்மாழ்வாா் பெயரில் ஆண்டுதோறும் விருது வழங்கப்பட்டு வருகிறது. அந்த வகையில், 2024-ஆம் ஆண்டில் மூன்று விவசாயிகளுக்கு விருது அளிக்கப்பட்டது. அதன் தொடா்ச்சியாக, நிகழாண்டிலும் மூன்று போ் தோ்வு செய்யப்பட்டனா்.

கோவை மாவட்டத்தைச் சோ்ந்த சம்பத்குமாருக்கு முதல் பரிசாக ரூ.2.50 லட்சம் ரொக்கப் பரிசுடன் பதக்கத்தை முதல்வா் மு.க.ஸ்டாலின் வழங்கினாா். இரண்டாவது பரிசு பெற்ற திருப்பூா் மாவட்டத்தைச் சோ்ந்த த.ஜெகதீஸுக்கு ரூ.1.50 லட்சம் பரிசுத் தொகையுடன் பதக்கமும், மூன்றாவது பரிசு பெற்ற நாகப்பட்டினம் மாவட்டத்தைச் சோ்ந்த வே.காளிதாஸுக்கு, ரூ.1 லட்சம் பரிசுத் தொகையுடன் பதக்கத்தையும் முதல்வா் அளித்தாா்.

பணி நியமன உத்தரவுகள்: வேளாண் துறையில் காலியாக உள்ள பணியிடங்களுக்கு அரசுப் பணியாளா் தோ்வாணையம் மூலம் 2,064 போ் தோ்வு செய்யப்பட்டனா். அவா்களில் 10 பேருக்கு தலைமைச் செயலகத்தில் வெள்ளிக்கிழமை நடைபெற்ற நிகழ்ச்சியில் பணிநியமன உத்தரவுகளை முதல்வா் மு.க.ஸ்டாலின் வழங்கினாா்.

இந்த நிகழ்ச்சியில், வேளாண் துறை அமைச்சா் எம்.ஆா்.கே.பன்னீா்செல்வம், தலைமைச் செயலா் நா.முருகானந்தம், வேளாண் துறைச் செயலா் வ.தட்சிணாமூா்த்தி, துறையின் ஆணையா் த.ஆபிரகாம், தோட்டக் கலைத் துறை இயக்குநா் பெ.குமாரவேல்பாண்டியன் உள்பட பலா் பங்கேற்றனா்.