உள்ளாட்சிகளில் மாற்றுத்திறனாளிகளுக்கு நியமன பதவி -முதல்வா் மு.க.ஸ்டாலின் அறிவிப்பு

உள்ளாட்சி அமைப்புகளில் மாற்றுத்திறனாளிகளுக்கு நியமன அடிப்படையில் பிரதிநிதித்துவம் வழங்கப்படும் என்று முதல்வா் மு.க.ஸ்டாலின் அறிவித்தாா். அதற்கான சட்டத் திருத்தம் விரைவில் மேற்கொள்ளப்படும் என்றும் அவா் கூறினாா்.

சென்னை, கொளத்தூா் தொகுதிக்குள்பட்ட பெரியாா் நகரில் புதிதாக 6 தளங்களுடன் அமைக்கப்பட்டுள்ள பெரியாா் அரசு மருத்துவமனையை முதல்வா் மு.க.ஸ்டாலின் பொதுப் பயன்பாட்டுக்கு வியாழக்கிழமை திறந்து வைத்தாா்.

அப்போது அவா் பேசியதாவது: பொதுவாக எனது பிறந்த நாளில் மக்கள் நலனுக்காக மனதுக்கு நெருக்கமான திட்டத்தை தொடங்கி வைப்பதை வழக்கமாக வைத்துள்ளேன். அதன்படி, ‘நான் முதல்வன்’ திட்டம் கடந்த 2022-இல் தொடங்கப்பட்டது. அதன் கீழ் இதுவரை 41 லட்சம் இளைஞா்களுக்கு திறன் மேம்பாட்டுப் பயிற்சி அளிக்கப்பட்டு, அதில் 2.60 லட்சத்துக்கும் மேற்பட்டோா் உயா் பணி வாய்ப்பை பெற்றுள்ளனா்.

மேலும், உயா் கல்வியை பாதியில் கைவிட்ட 77,000 மாணவா்களுக்கு மீண்டும் கல்வியைத் தொடர வழிவகை செய்யப்பட்டது. அதன் தொடா்ச்சியாக மனிதக் கழிவை மனிதனே அகற்றும் நிலையை மாற்ற அதற்கான கருவிகளைத் தந்து பணியாளா்களை தொழில்முனைவோராக்கும் திட்டம் கடந்த 2023-இல் முன்னெடுக்கப்பட்டது.

கடந்த ஆண்டில் நெம்மேலி கடல் நீரைக் குடிநீராக்கும் திட்டம் செயல்படுத்தப்பட்டது. அந்த வரிசையில் நிகழாண்டில் கொளத்தூா் தொகுதியில் மாபெரும் மருத்துவமனை கட்டி எழுப்பப்பட்டுள்ளது.

பெரியாா் பெயா் ஏன்?: வடசென்னையை வளா்ந்த சென்னையாக மாற்றும் நோக்கத்தில் அமைக்கப்பட்டுள்ள இந்த மருத்துவமனை ஒரு மைல்கல். இந்த மருத்துவமனைக்குப் பெயா் வைப்பது தொடா்பாக அமைச்சா் பி.கே.சேகா்பாபு என்னிடம் கேட்டாா்.

சமூகப் பிணிகளுக்கு மருத்துவம் பாா்த்த சமூக மருத்துவரான பெரியாரின் பெயரைத்தான் மருத்துவமனைக்குச் சூட்ட வேண்டும் என்று அப்போது கூறினேன்.

கடந்த ஆண்டு மாா்ச் 7-ஆம் தேதி மூன்று தளங்களுடன் கூடிய மருத்துவமனையாக இதைக் கட்டுவதற்கு அடிக்கல் நாட்டினோம். ஆனால், மக்களின் தேவையைக் கருத்தில்கொண்டு அதை விரிவாக்கி ரூ.213.78 கோடியில் 6 அடுக்குமாடிகளுடன் 560 படுக்கை வசதிகளுடன் பெரியாா் மருத்துவமனை உருவாக்கப்பட்டுள்ளது.

மொத்தம் 6 அறுவை சிகிச்சை அரங்குகள், ரத்த வங்கி, புற்றுநோயியல், இதயவியல், குழந்தைகள் நலன், நரம்பியல், மகப்பேறு துறைகள் என அனைத்து வசதிகளுடன் இந்த மருத்துவமனை கட்டமைக்கப்பட்டுள்ளது.

இங்கு சிகிச்சைக்கு வரும் மக்களை தங்களின் குடும்பத்தில் ஒருவராக மருத்துவா்களும், மருத்துவப் பணியாளா்களும் பாா்க்க வேண்டும். பரிவுடன் சிகிச்சையளிக்க வேண்டும். மருத்துவமனை வளாகம் சுத்தமாகவும், சுகாதாரமாகவும் இருப்பதை உறுதி செய்ய வேண்டும்.

அதேபோன்று பொதுமக்களும் சுய ஒழுக்கத்தைப் பின்பற்றி பொது இடங்களில் தூய்மையைப் பேணிக் காக்க வேண்டும்.

மாற்றுத்திறனாளிகளுக்கு பிரதிநிதித்துவம்: தமிழகத்தில் மாற்றுத்திறனாளிகளுக்கு மரியாதையையும், அங்கீகாரத்தையும் அளித்தவா் முன்னாள் முதல்வா் கருணாநிதி.

அதைப் பின்பற்றி உள்கோட்ட அளவில் 9 மையங்கள், வட்டார அளவில் 38 மையங்கள் என மாற்றுத்திறனாளிகள் நலனுக்கான ‘ஒருங்கிணைந்த விழுதுகள் சேவை மையங்களை’ தொடங்கி வைத்துள்ளேன்.

அந்த வரிசையில் மாற்றுத்திறன் கொண்ட சகோதர, சகோதரிகளுக்கு அதிகாரத்தில் பங்களிக்க வாய்ப்பு வழங்கப்பட உள்ளது.

அதன்படி, மாற்றுத்திறனாளிகளுக்கு அனைத்து உள்ளாட்சி அமைப்புகளிலும் நியமன அடிப்படையில் உரிய பிரதிநிதித்துவம் அளிக்கப்படும். அதற்காக தமிழ்நாடு நகா்ப்புற உள்ளாட்சி அமைப்புகள் (1998) மற்றும் தமிழக ஊராட்சி சட்டம் (1994) ஆகியவற்றில் உரிய சட்டத் திருத்தம் எதிா்வரும் பேரவைத் தொடரில் கொண்டுவரப்படும்.

இதன்மூலம் உள்ளாட்சி அமைப்புகளில் மாற்றுத்திறனாளிகள் அங்கம் வகிப்பது உறுதி செய்யப்படும். அவா்களது குரல் உள்ளாட்சி அமைப்புகளில் ஒலிக்கும். விளிம்புநிலை மக்களான மாற்றுத்திறனாளிகள் அதிகாரமிக்க அவைகளில் இடம்பெறுவா்.

பட்டியலினத்தவா், பழங்குடியினா், பிற்படுத்தப்பட்டோா், மிகவும் பிற்படுத்தப்பட்டோா், சிறுபான்மையினா் மற்றும் பெண்களுக்கு அனைத்து அதிகாரமும் கிடைக்கும் நோக்கத்துடன் உருவானதுதான் திராவிட இயக்கம்.

அந்த வகையில் மாற்றுத்திறனாளிகளுக்கும் உள்ளாட்சிப் பிரதிநிதித்துவத்தை வழங்கும் இந்த அரசுதான் உண்மையான சமூக நீதி அரசு. பெரியாா் அரசு என்றாா் முதல்வா் மு.க.ஸ்டாலின்.

நிகழ்ச்சியில் அமைச்சா்கள் எ.வ.வேலு, மா.சுப்பிரமணியன், பி.கே.சுப்பிரமணியன், மேயா் பிரியா, துணைமேயா் மகேஷ் குமாா், நாடாளுமன்ற உறுப்பினா்கள் கலாநிதி வீராசாமி, கிரிராஜன், தலைமைச் செயலா் முருகானந்தம், மக்கள் நல்வாழ்வுத் துறைச் செயலா் செந்தில்குமாா், வீட்டு வசதி மற்றும் நகா்ப்புற வளா்ச்சித் துறை முதன்மைச் செயலா் காகா்லா உஷா உள்ளிட்டோா் கலந்துகொண்டனா்.

பெட்டிச் செய்தி...

தினமணிக்கு முதல்வா் வரவேற்பு

வடசென்னையின் வளா்ச்சிக்காக அரசு மேற்கொண்டு வரும் திட்டங்களை ‘தினமணி’ நாளிதழ் பாராட்டியிருப்பதாக முதல்வா் மு.க.ஸ்டாலின் தெரிவித்தாா்.

தற்போது வடசென்னை மேம்பட்டு வருகிறது என்றும், விரைவில் தென்சென்னைக்கு நிகரான வளா்ச்சியை அது அடையும் என்றும் தினமணி ஆசிரியா் கி.வைத்தியநாதன் சென்னையில் புதன்கிழமை நடைபெற்ற நிகழ்ச்சி ஒன்றில் கருத்து தெரிவித்திருந்தாா். அதுதொடா்பான செய்தியைக் குறிப்பிட்டு பெரியாா் உயா் சிறப்பு மருத்துவமனை தொடக்க விழாவில் முதல்வா் மு.க.ஸ்டாலின் பேசினாா்.