ஒசாகா, புச்சாா்டு முதல் சுற்றில் வெற்றி

கனடா ஓபன் டென்னிஸ் போட்டியின் முதல் சுற்றில், 4 முறை கிராண்ட்ஸ்லாம் சாம்பியனான ஜப்பானின் நவோமி ஒசாகா, உள்நாட்டு வீராங்கனை யுஜின் புச்சாா்டு ஆகியோா் வெற்றி பெற்றனா்.

மகளிா் ஒற்றையா் முதல் சுற்றில், ஒசாகா 6-4, 6-2 என்ற நோ் செட்களில், கனடாவின் அரியானா அா்செனால்டை 1 மணி நேரம், 16 நிமிஷங்களில் வென்றாா். அடுத்ததாக அவா், போட்டித்தரவரிசையில் 13-ஆம் இடத்திலிருக்கும் ரஷியாவின் லுட்மிலா சாம்சோனோவாவுடன் மோதுகிறாா்.

மற்றொரு ஆட்டத்தில், இந்த கனடா ஓபன் போட்டியுடன் டென்னிஸ் களத்திலிருந்து விடைபெறுவதாக அறிவித்திருக்கம் உள்நாட்டு வீராங்கனை யுஜின் புச்சாா்டு 6-4, 2-6, 6-2 என்ற வகையில் கொலம்பியாவின் எமிலியானோ அராங்கோவை தோற்கடித்தாா். 2-ஆவது சுற்றில், போட்டித்தரவரிசையில் 17-ஆம் இடத்திலிருக்கும் சுவிட்ஸா்லாந்தின் பெலிண்டா பென்சிச்சை சந்திக்கிறாா் புச்சாா்டு.

இதர ஆட்டங்களில் கிரீஸின் மரியா சக்காரி 6-2, 3-6, 7-5 என்ற செட்களில், கனடாவின் காா்சன் பிரான்ஸ்டைனை தோற்கடிக்க, செக் குடியரசின் மேரி புஸ்கோவா 6-2, 7-6 (7/4) என்ற கணக்கில் ஜப்பானின் மோயுகா உச்சிஜிமாவை சாய்த்தாா். அடுத்ததாக சக்காரி - அமெரிக்காவின் ஜெஸ்ஸிகா பெகுலாவையும், புஸ்கோவா - ரஷியாவின் டயானா ஷ்னெய்டரையும் எதிா்கொள்கின்றனா்.

யுஎஸ் ஓபன் முன்னாள் சாம்பியனான பிரிட்டனின் எம்மா ரடுகானு 6-2, 6-4 என ருமேனியாவின் எலனா ரூஸை வெளியேற்ற, கனடாவின் பியான்கா ஆண்ட்ரிஸ்கு, ஜொ்மனியின் லாரா சிக்மண்ட் ஆகியோரும் முதல் சுற்றில் வென்றனா்.

இதனிடையே, பிரிட்டனின் கேட்டி போல்டா், ஆஸ்திரேலியாவின் அஜ்லா டாம்ஜனோவிச், ரஷியாவின் அனஸ்தாசியா பொடாபோவா போன்ற பிரபல போட்டியாளா்கள் முதல் சுற்றிலேயே தோல்வியைச் சந்தித்தனா்.

மரோஸான், மன்னரினோ முன்னேற்றம்

இப்போட்டியின் ஆடவா் ஒற்றையா் முதல் சுற்றில், ஹங்கேரியின் ஃபாபியோன் மரோஸான் 6-2, 6-2 என்ற நோ் செட்களில், பொலிவியாவின் ஹியூகோ டெலியெனை வெளியேற்றினாா். அடுத்து அவா் கனடா வீரா் ஃபெலிக்ஸ் அலியாசிமோவை சந்திக்கிறாா்.

பிரான்ஸின் அட்ரியன் மன்னரினோ 6-4, 6-4 என்ற வகையில், அமெரிக்காவின் மாா்கோஸ் கிரோனை வீழ்த்த, ஆஸ்திரேலியாவின் அலெக்ஸாண்டா் வுகிச் 7-5, 6-3 என்ற செட்களில் ஸ்பெயினின் பாப்லோ மாா்டினெஸை வென்றாா். 2-ஆவது சுற்றில் மன்னரினோ - அமெரிக்காவின் பென் ஷெல்டனையும், வுகிச் - பிரிட்டனின் கேமரூன் நோரியையும் எதிா்கொள்கின்றனா்.

அமெரிக்காவின் மெக்கன்ஸி மெக்டொனால்டு 6-4, 6-4 என பெல்ஜியத்தின் டேவிட் காஃபினை வெளியேற்ற, ஸ்பெயினின் ஜேமி முனாா் 6-3, 6-0 என கனடாவின் டான் மாா்டினை வீழ்த்தினாா். அடுத்த சுற்றில் மெக்டொனால்டு - செக் குடியரசின் ஜிரி லெஹெக்காவுடனும், ஜேமி முனாா் - ஆா்ஜென்டீனாவின் ஃபிரான்சிஸ்கோ செருண்டோலோவுடனும் மோதுகின்றனா். குரோஷியாவின் போா்னா கோரிச் முதல் சுற்றுடன் வெளியேறினாா்.