சிறுவாச்சூா் கிராம விவசாயிகளுக்கு ஒருங்கிணைந்த பூச்சிமேலாண்மை செயல்விளக்கப் பயிற்சி தலைவாசல் வட்டார வேளாண்மை உதவி இயக்குனா் கவிதா தலைமையில் வியாழக்கிழமை நடைபெற்றது.
சேலம் மாவட்டம், தலைவாசல் வட்டாரத்தில் மக்காச்சோளம், பருத்தி போன்ற பயிா்கள் அதிக அளவில் பயிரிடப்படுகின்றன. மக்காச்சோள பயிரில் படைப்புழுவும், பருத்தியில் காய்ப்புழுவும் அதிகளவில் சேதம் விளைவிக்கின்றன.
இதைக் கட்டுப்படுத்த, அதிகளவில் பூச்சிக்கொல்லி மருந்துகளை விவசாயிகள் பயன்படுத்த வேண்டிய நிலை உள்ளது. பூச்சி தாக்கத்தைக் கட்டுப்படுத்த இனக்கவா்ச்சி பொறி, மஞ்சள் வண்ண ஒட்டும்பொறி, விளக்குப்பொறி போன்றவற்றை பயன்படுத்தி பூச்சி தாக்கத்தை குறைக்குமாறு தலைவாசல் வட்டார வேளாண்மை உதவி இயக்குனா் விவசாயிகளுக்கு அறிவுறுத்தினாா். மேலும், சிறுவாச்சூா் கிராமத்தில் அமைக்கப்பட்டுள்ள தானியங்கி சூரியஒளி விளக்கு பொறி அட்மா திட்ட செயல்விளக்கத் திடலை பாா்வையிட்டாா்.
சிறுவாச்சூா் கிராம விவசாயிகளுக்கு துணை வேளாண்மை அலுவலா் மணவழகன், சூரியஒளி விளக்கு பொறியை எவ்வாறு பயன்படுத்துவது என்பது குறித்து பயிற்சி அளித்தாா். பயிற்சிக்கான ஏற்பாடுகளை உதவி வேளாண்மை அலுவலா் பிரகாஷ், அட்மா திட்ட அலுலவா்கள் சக்தி, முத்துவேல் ஆகியோா் செய்திருந்தனா்.
மேலும், தலைவாசல் வட்டாரத்தில் உள்ள அனைத்து விவசாயிகளும் வட்டார வேளாண்மை விரிவாக்க மையத்தை அணுகி தங்களுக்கான பிரத்யேக விவசாய அடையாள எண்ணை பதிவுசெய்து பெற்றுக் கொள்ளுமாறு இதில் அறிவுறுத்தப்பட்டது.
