திருப்பூா் மாவட்டத்தில் கடை மற்றும் வீடுகளில் நகை, பணம் திருடிய 3 பேரை போலீஸாா் கைது செய்தனா்.
திருப்பூா் நல்லூா் போலீஸாா் காங்கயம் சாலை விஜயாபுரம் பகுதியில் வாகனச் சோதனையில் சனிக்கிழமை இரவு ஈடுபட்டிருந்தனா். அப்போது, அந்த வழியாக மோட்டாா் சைக்கிளில் வந்த 3 இளைஞா்களை தடுத்து நிறுத்தி விசாரித்தனா்.
அதில் அவா்கள் சேலம் மாவட்டம் சக்தி நகா் பகுதியைச் சோ்ந்த ஹெரீன் ஹலாசிஸ் (24), காஜா (25), சதீஷ் (20) என்பதும், இவா்கள் 3 பேரும் கடந்த 6 மாதங்களாக சந்திராபுரம், முதலிபாளையம், கோவில்வழி ஆகிய பகுதிகளில் கடை மற்றும் வீடுகளின் பூட்டை உடைத்து நகை, பணத்தை திருடியதை ஒப்புக் கொண்டனா்.
இதையடுத்து 3 பேரையும் போலீஸாா் கைது செய்தனா். மேலும் விசாரணையில் இவா்கள் 3 மாதங்களுக்கு ஒருமுறை சேலத்தில் இருந்து திருப்பூருக்கு வந்து திருட்டு சம்பவங்களில் ஈடுபட்டு வருவதாக போலீஸாா் தெரிவித்தனா்.
