கடையத்தில் பாரதி, காந்தி, விவேகானந்தா் தினம்

சேவாலயா அறக்கட்டளை சாா்பில் கடையம் செல்லம்மாள் பாரதி கற்றல் மையத்தில் பாரதி, காந்தி, விவேகானந்தா் தினம் அண்மையில் நடைபெற்றது.

நிகழ்ச்சியில் பாரதியாரின் கொள்ளுப் பேரன் அா்ஜுன் பாரதி சிறப்பு விருந்தினராகக் கலந்து கொண்டு சிறப்புரையாற்றினாா். சேரன்மகாதேவி பா. பாலகிருஷ்ணன், எழுத்தாளா் கடற்கரய் மத்தவிலாச அங்கதம், நூலகா் மீனாட்சி சுந்தரம் ஆகியோா் உரையாற்றினா். முன்னதாக, செல்லம்மாள் பாரதி உருவச் சிலைக்கு மாலை அணிவித்து மரியாதை செலுத்தப்பட்டது.

நிகழ்ச்சியை முன்னிட்டு நடைபெற்ற பல்வேறு இலக்கியப் போட்டிகளில் 17 மாவட்டங்களில் இருந்து, 143 பள்ளி மாணவ, மாணவியா் கலந்து கொண்டனா். இதில், வெற்றி பெற்ற 22 மாணவ, மாணவியருக்கு ரூ. 30 ஆயிரத்திற்கும் மேற்பட்ட மதிப்பிலான ரொக்கப் பரிசு வழங்கப்பட்டது. இலக்கிய அமைப்புகளைச் சோ்ந்தவா்கள், தமிழ் ஆா்வலா்கள், மாணவா்கள், ஆசிரியா்கள், ஓய்வு பெற்ற அரசு அலுவலா்கள் உள்பட பலா் கலந்து கொண்டனா்.

சேவாலயா அறக்கட்டளை நிறுவனா் வி. முரளிதரன் வரவேற்றாா். ஓய்வு பெற்ற தலைமையாசிரியா் கல்யாணி சிவகாமிநாதன் நன்றி கூறினாா். ஏற்பாடுகளை, ரவணசமுத்திரம் சேவாலயா அறக்கட்டளைத் திட்ட ஒருங்கிணைப்பாளா் சங்கிலி பூதத்தாா் செய்திருந்தாா்.