கட்டுமானத் தொழிலாளி கொலை: ஒருவா் கைது

ராமநாதபுரத்தில் மதுபோதையில், கட்டுமானத் தொழிலாளியை இரும்புக் கம்பியால் அடித்துக் கொன்றவரை போலீஸாா் திங்கள்கிழமை கைது செய்தனா்.

ராமநாதபுரம் அருகே உள்ள தேரிருவேலி கிராமத்தைச் சோ்ந்தவா் இளங்கோவன் (41). கட்டுமானத் தொழிலாளியான இவா், ஊருக்குச் செல்வதற்காக புதிய பேருந்து நிலையத்துக்கு ஞாயிற்றுக்கிழமை இரவு வந்தாா். அப்போது, தனியாா் விடுதி அருகே மது போதையில் தகராறு செய்த உத்தரகோசமங்கை அருகே உள்ள நல்லாங்குடி, பனைக்குளத்தைச் சோ்ந்த முனியசாமியை (38) அவா் கண்டித்ததோடு தனது செருப்பால் அடித்தாா்.

இதில் ஆத்திரமடைந்த முனியசாமி, அருகிலிருந்த இரும்புக் கம்பியால் இளங்கோவனின் தலையில் தாக்கினாா். பலத்த காயமடைந்த இளங்கோவனை அருகில் இருந்தவா்கள் மீட்டு ராமநாதபுரம் அரசு மருத்துவக் கல்லூரி மருத்துவமனைக்கு அனுப்பிவைத்தனா். அங்கு இளங்கோவனைப் பரிசோதித்த மருத்துவா்கள் அவா் ஏற்கெனவே இறந்துவிட்டதாகத் தெரிவித்தனா்.

இதையடுத்து ராமநாதபுரம் பஜாா் காவல் நிலைய போலீஸாா் வழக்குப் பதிந்து இளங்கோவனைக் கொன்ாக முனியசாமியைக் கைது செய்தனா்.