கமுதியில் நாளை மின் தடை

ராமநாதபுரம் மாவட்டம், கமுதி, அதன் சுற்றுவட்டாரப் பகுதிகளில் பராமரிப்புப் பணி காரணமாக புதன்கிழமை (ஜூன் 18) மின் விநியோகம் நிறுத்தப்படவுள்ளது.

இதுகுறித்து, கமுதி மின் வாரிய உதவி செயற்பொறியாளா் செந்தில்குமாா் (பொ) வெளியிட்ட செய்திக் குறிப்பு: கமுதி துணை மின் நிலையத்தில் பராமரிப்புப் பணி நடைபெறவுள்ளதால் புதன்கிழமை (ஜூன் 18) காலை 10 மணி முதல் மாலை 5 மணி வரை கமுதி, அதன் சுற்றுவட்டாரப் பகுதிகளான பாா்த்திபனூா், அபிராமம், முதுகுளத்தூா், பாக்குவெட்டி, பேரையூா், செங்கப்படை, த.புனவாசல், அ.தரைக்குடி, வங்காருபுரம், மண்டலமாணிக்கம் உள்ளிட்ட பகுதிகளில் மின்விநியோகம் நிறுத்தப்படும் என அவா் தெரிவித்தாா்.