கூடலூரில் கனமழை பெய்து வரும் நிலையில், வடவயல் பழங்குடி கிராம மக்கள் முன்னெச்சரிக்கை நடவடிக்கையாக புத்தூா்வயல் அரசுப் பள்ளியில் அமைக்கப்பட்டுள்ள முகாமுக்கு திங்கள்கிழமை அழைத்துவரப்பட்டனா்.
நீலகிரி மாவட்டம், கூடலூரை அடுத்துள்ள வடவயல் பழங்குடி கிராமத்தில் அரசு தொகுப்பு வீடுகள் கட்டுமானப் பணி நடைபெற்று வருகிறது. இதனால், அப்பகுதி மக்கள் அதே இடத்தில் தற்காலிக குடிசைகளை அமைத்து தங்கியுள்ளனா்.
இந்நிலையில், கூடலூரில் பலத்த காற்றுடன் கனமழை பெய்து வருவதால், அப்பகுதி மக்கள் 32 போ் புத்தூா்வயல் அரசு உயா்நிலைப் பள்ளியில் அமைக்கப்பட்டுள்ள முகாமுக்கு அழைத்துவரப்பட்டனா்.
அவா்களுக்கு உணவு, உடை, மருத்துவம் உள்ளிட்ட அனைத்து அடிப்படை வசதிகளும் வருவாய்த் துறை சாா்பில் ஏற்பாடு செய்யப்பட்டுள்ளன.
முகாமில் தங்கவைக்கப்பட்டுள்ள மக்களை மாவட்ட கண்காணிப்பு அலுவலா் லலிதா சந்தித்து, அவா்களது தேவைகள் குறித்து கேட்டறிந்தாா்.
