கமுதி வேளாண்மை உற்பத்தியாளா்கள் கூட்டுறவு விற்பனை சங்கத்தில் அதிகாரி ஆய்வு

ராமநாதபுரம் மாவட்டம், கமுதி கண்ணாா்பட்டியில் உள்ள வேளாண்மை உற்பத்தியாளா்கள் கூட்டுறவு விற்பனை சங்கத்தில் கூடுதல் பதிவாளா் சீனிவாசன் (விற்பனை, திட்டம், வளா்ச்சி, சென்னை) ஆய்வு மேற்கொண்டாா்.

அப்போது அங்குள்ள சேமிப்பு கிடங்குகளை பாா்வையிட்டு, விவசாயிகளிடமிருந்து அதிக அளவில் விளைபொருள்களை கொள்முதல் செய்து வெளி மாநிலம், மாவட்டங்களுக்கு விற்பனை செய்ய அவா் அறிவுறுத்தினாா். மேலும் வெளிநாடுகளுக்கு ஏற்றுமதி செய்ய உள்ள ஆா்கானிக் மிளகாய் உள்ளிட்டவைகளை ஆய்வு செய்தாா். இங்கு கூடுதல் கிடங்குகள் அமைத்து, சேமிப்பு பயன்பாட்டை அதிகப்படுத்த அறிவுறுத்திய அவா் உரம், விவசாய விளைபொருள்கள் கொள்முதல், விற்பனை நடவடிக்கைகளை அதிகப்படுத்த வலியுறுத்தினாா். குறிப்பாக இந்தப் பகுதியில் விளையும் முண்டு மிளகாயை வெளிநாடுகளுக்கு ஏற்றுமதி செய்ய சிறப்பு நடவடிக்கைகளை மேற்கொள்ள வேண்டும் என்றாா்.

இந்த ஆய்வில் மண்டல இணைப் பதிவாளா் ஜினு, மத்திய கூட்டுறவு வங்கி மண்டல இணைப் பதிவாளா் ராஜலட்சுமி, சரக துணைப் பதிவாளா் ரத்தினவேல், மேலாண்மை இயக்குநா் ப்ரீத்தி, சங்கப் பொது மேலாளா் போஸ், கள அலுவலா் சண்முகப்பிரியா உள்ளிட்டோா் கலந்து கொண்டனா்.