கம்பம் மெட்டு மலைச் சாலையில் ஜீப் கவிந்ததில் ஓட்டுநா் உயிரிழப்பு

தேனி மாவட்டம், கம்பம் மெட்டு மலைச் சாலையில் செவ்வாய்க்கிழமை இரவு ஜீப் கவிழ்ந்ததில் ஓட்டுநா் உயிரிழந்தாா்.

கம்பம் புதுப் பள்ளிவாசல் தெருவைச் சோ்ந்தவா் ரோஷன்பாரூக் (65). இவா் தனது ஜீப்பில் கேரளம், கட்டப்பனையிலிருந்து கம்பத்துக்கு 10 பேரை ஏற்றிக் கொண்டு கம்பம் மெட்டு மலைச் சாலையில் வந்து கொண்டிருந்தாா்.

அப்போது, 5-ஆவது கொண்டை ஊசி வளைவில் ஜீப் கட்டுப்பாட்டை இழந்து சாலையில் கவிழ்ந்தது. இதில் ஜீப் ஓட்டுநா் உள்பட 11 போ் பலத்த காயமடைந்தனா்.

தகவலறிந்து சென்ற கம்பம் வடக்கு போலீஸாா் காயமடைந்தவா்களை மீட்டு, கம்பம் அரசு மருத்துவமனையில் சோ்த்தனா். இதில் ஜீப் ஓட்டுநா் ரோஷன்பாரூக் உயிரிழந்தாா்.

இதுகுறித்து கம்பம் வடக்கு போலீஸாா் வழக்குப் பதிவு செய்து விசாரித்து வருகின்றனா்.