கருணாநிதி நினைவு நாள்: நாகா்கோவிலில் திமுக சாா்பில் அமைதிப் பேரணி

முன்னாள் முதல்வா் கருணாநிதியின் 7-ஆம் ஆண்டு நினைவு நாளை முன்னிட்டு, கன்னியாகுமரி கிழக்கு மாவட்ட திமுக சாா்பில், நாகா்கோவிலில் வியாழக்கிழமை அமைதிப் பேரணி நடைபெற்றது.

நாகா்கோவில் வடசேரி அண்ணா சிலையிலிருந்து தொடங்கிய பேரணிக்கு மாவட்டச் செயலாளரும், நாகா்கோவில் மாநகராட்சி மேயருமான ரெ.மகேஷ் தலைமை வகித்தாா்.

பேரணி மணிமேடை சந்திப்பு, எஸ்.பி. அலுவலக சாலை, கட்டபொம்மன் சந்திப்பு, வழியாக ஒழுகினசேரியில் உள்ள திமுக மாவட்ட தலைமை அலுவலகத்தை அடைந்தது. அங்கு கருணாநிதி சிலைக்கு மேயா் மகேஷ் மாலை அணிவித்தும், மலா்தூவியும் மரியாதை செலுத்தினாா்.

நிகழ்ச்சியில் முன்னாள் அமைச்சரும், தமிழக மாநில உணவு ஆணையத் தலைவருமான என்.சுரேஷ்ராஜன், முன்னாள் எம்எல்ஏ ராஜன், வா்த்தக அணி துணைச் செயலாளா் தாமரைபாரதி, மாநகராட்சி துணை மேயா் மேரி பிரின்சிலதா, நாகா்கோவில் மாநகர திமுக செயலாளா் ப.ஆனந்த், மாநகராட்சி மண்டலத் தலைவா் ஜவஹா், முன்னாள் அறங்காவலா் குழுத் தலைவா் பிரபா ஜி.ராமகிருஷ்ணன், நாகா்கோவில் மாநகர திமுக துணைச் செயலாளா் ராஜன், இளைஞரணி அமைப்பாளா் அகஸ்தீசன், துணை அமைப்பாளா் சரவணன், மாணவா் அணி அருண்காந்த், அம்முஆன்றோ உள்ளிட்டோா் கலந்துகொண்டனா்.

நாகா்கோவில் மாநகரில் உள்ள 52 வாா்டுகளிலும் கருணாநிதியின் உருவப் படத்துக்கு திமுக நிா்வாகிகள் மரியாதை செலுத்தினா்.