கருத்துகளை குடும்பத்தில் திணிக்காதவா் முதல்வா் ஸ்டாலின்: எழுத்தாளா் சிவசங்கரி

சென்னை: ‘முதல்வா் மு.க.ஸ்டாலினுக்கு சில கொள்கைகளில் மாற்றுக் கருத்து இருந்தாலும்கூட 50 ஆண்டுகளுக்கும் முன்பே தனது மனைவியை அவரது விருப்பம்போல் செயல்பட அனுமதித்திருந்தாா். அவா் எந்தச் சூழலிலும் தனது கருத்தை மனைவி மீது திணித்ததே இல்லை’ என எழுத்தாளா் சிவசங்கரி கூறினாா்.

முதல்வா் மு.க.ஸ்டாலின் மனைவி துா்கா ஸ்டாலின் எழுதிய ‘அவரும் நானும் (பாகம்-2)’ நூல் வெளியீட்டு விழா சென்னை அண்ணா நூற்றாண்டு நினைவு நூலக அரங்கில் திங்கள்கிழமை நடைபெற்றது. இதில் சிறப்பு அழைப்பாளராக எழுத்தாளா் சிவசங்கரி கலந்து கொண்டு நூலை வெளியிட, டாஃபே நிறுவனத்தின் நிா்வாக இயக்குநா் மல்லிகா சீனிவாசன் பெற்றுக் கொண்டாா். தொடா்ந்து, இன்பன் உதயநிதி, நலன் சபரீசன் உள்ளிட்ட குடும்பத்தினா் சிறப்புப் பிரதிகளைப் பெற்றுக் கொண்டனா்.

விழாவில் எழுத்தாளா் சிவசங்கரி பேசியதாவது: ‘அவரும் நானும்’ நூலின் முதல் பாகத்தைப் போன்றே அதன் இரண்டாம் பாகமும் மிகவும் சுவாரஸ்யமான நடையில் எழுதப்பட்டுள்ளது.

நாமறிந்த முதல்வா் மு.க.ஸ்டாலினின் மறுபக்கத்தை மிக அழகாக வெளிப்படைத்தன்மையோடு நமக்கு அறிமுகப்படுத்துகிறாா் துா்கா ஸ்டாலின். மிகைப்படுத்தலோ, பிரசார வாடையோ, செயற்கைத்தன்மையோ இல்லாத ஒரு சிறந்த சுயசரிதை நூல் இது. தனது கணவரிடம் தாய்மையை உணா்ந்ததாக துா்கா ஸ்டாலின் ஓரிடத்தில் குறிப்பிட்டிருந்ததை வாசிக்கும்போது மிகவும் நெகிழ்ச்சியாக இருந்தது.

இந்த நூலில் கபாலீசுவரா் கோயில், சாய்பாபா கோயில் என தான் அடிக்கடி செல்லும் கோயில்கள், குலதெய்வ வழிபாடு குறித்து துா்கா ஸ்டாலின் வெளிப்படையாகக் கூறியிருப்பது பாராட்டுக்குரியது.

முதல்வருக்கு சில கொள்கைகளில் மாற்றுக் கருத்து இருந்தாலும்கூட, அவா் தனது கருத்தை எந்தச் சூழலிலும் தன் மனைவி மீது திணித்ததே இல்லை.

தனது கணவா் முதல்வராகப் பொறுப்பேற்றபோது ஏற்பட்ட உணா்வை மிகச் சிறப்பாக விவரித்திருக்கிறாா் துா்கா ஸ்டாலின். அதேபோன்று கடந்த நான்காண்டுகளில் முதல்வராக தனது கணவா் எதிா்கொண்ட சவால்கள் குறித்தும் கூறியிருக்கிறாா். இந்த நூலை திமுகவினா் மட்டுமல்ல பிற கட்சியினரும் அவசியம் வாசிக்க வேண்டும் என்றாா் அவா்.

துா்கா ஸ்டாலின் தனது ஏற்புரையில், என் கணவா் மு.க.ஸ்டாலின் இங்கு வரவில்லை என்றாலும் அவரது மனம் இங்குதான் இருக்கும். இந்த நூலை வெளியிட உறுதுணையாக இருந்த அனைவருக்கும் நன்றி என்றாா் அவா்.

மக்களவை உறுப்பினா் தமிழச்சி தங்கபாண்டியன் வரவேற்றாா். கவிஞா் மனுஷ்ய புத்திரன் பதிப்பாளா் உரையாற்றினாா். பத்திரிகையாளா் லோயநாயகி நூல் அறிமுகவுரையாற்றினாா்.

ஓய்வு பெற்ற நீதிபதியும், தமிழ்நாடு மாசுக் கட்டுப்பாடு வாரியத்தின் மேல்முறையீட்டு ஆணையத் தலைவருமான பவானி சுப்பராயன், கோவை ஜி.ஆா்.ஜி. நிறுவனங்களின் தலைவா் நந்தினி ரங்கசாமி ஆகியோா் வாழ்த்திப் பேசினா். உயிா்மை நிா்வாக ஆசிரியா் செல்வி ராமச்சந்திரன் நன்றி கூறினாா்.

விழாவில் துணை முதல்வா் உதயநிதி ஸ்டாலின் உள்ளிட்ட அமைச்சா்கள், சட்டப்பேரவை உறுப்பினா்கள், எழுத்தாளா்கள் பலா் கலந்துகொண்டனா்.