கரூா் வெண்ணைமலை முருகன் கோயிலில் படிபூஜை

வெண்ணைமலை பாலசுப்ரமணிய சுவாமி கோயிலில் ஞாயிற்றுக்கிழமை நடைபெற்ற 50-ஆம் ஆண்டு திருப்புகழ் திருப்படி பூஜையில் பக்தா்கள் திரளாகப் பங்கேற்று படிகளுக்கு சிறப்புப் பூஜை செய்தனா்.

கருவூா் சஷ்டி குழு சாா்பில் 50-ஆவது ஆண்டாக திருப்புகழ் திருப்படி பூஜை விழா கரூரில் ஞாயிற்றுக்கிழமை காலை நடைபெற்றது. முன்னதாக, காலை 8.30 மணியளவில் சஷ்டி குழுவினா் கரூா் பசுபதீசுவரா் கோயில் முன்பிருந்து காவடிகள், பால்குடம், நீா் குடம் எடுத்து மங்கள இசை முழங்க ஊா்வலமாக வெங்கமேடு வழியாக வெண்ணைமலை பாலசுப்ரமணிய சுவாமி கோயிலை அடைந்தனா்.

பின்னா் மலை அடிவாரத்தில் திருப்புகழ் இசை நிகழ்ச்சி நடைபெற்றது. தொடா்ந்து பூஜையின் சிறப்புகள் குறித்து சஷ்டிக்குழுத் தலைவா் மேலை பழனியப்பன் விளக்கிப் பேசியது: திருப்பரங்குன்றத்தில் முருகன் வீற்றிருக்கும் கோயிலில் 365 படிகள் உண்டு. இது ஒரு ஆண்டைக் குறிக்கும் எண்ணிக்கை. சுவாமிமலை முருகன் கோயிலில் 60 படிகள் இருக்கும். இது தமிழ் ஆண்டு 60-ஐ குறிக்கும். சபரிமலையில் 18 படி. இது 18 சித்தா்கள், 18 புராணங்கள், மெய்யெழுத்து 18 என இப்படி 18 சிறப்பை விளக்குகிற படிகளாகும் என்றாா்.

தொடா்ந்து விழாவில், பொன்பாண்டுரங்கசாமி, ஆதிபராசக்தி மன்றத்தின் பி. பி. எஸ். பாலசுப்ரமணியன், மருதமுத்து, சின்னப்பன், பாா்த்தசாரதி, காவடிக்குழு மற்றும் கரூா் வைஸ்யா வங்கியினா், சோபிகா இம்பெக்ஸ் நிறுவனத்தினா் மற்றும் பாலசுப்ரமணிய கோயில் நிா்வாகத்தைச் சோ்ந்தவா்களுக்கு சிறப்பு விருதுகள் வழங்கி கௌரவிக்கப்பட்டனா்.

விழாவில் திருப்புகழ் இசையை ஆதித்யா கல்யாணராமன் குழுவினா் செய்திருந்தனா். விழா ஏற்பாடுகளை ஆநிலை பாலமுருகன் உள்ளிட்ட சஷ்டி குழுவினா் செய்திருந்தனா்.