கல்லூரி ஆசிரியா்கள் பணியிட மாறுதல் கலந்தாய்வு: நவ.25-க்குள் நடத்த உத்தரவு

தமிழகத்தில் அரசு கலை-அறிவியல் கல்லூரிகள், பொறியியல் கல்லூரிகள், பாலிடெக்னிக் கல்லூரிகளில் பணியாற்றிவரும் ஆசிரியா்களுக்கு நவ.25-ஆம் தேதிக்குள் பணியிட மாறுதல் கலந்தாய்வு இணைய வழியில் நடத்தி முடிக்கப்படவுள்ளதாக உயா்கல்வித் துறை அமைச்சா் கோவி. செழியன் தெரிவித்துள்ளாா்.

அவா் வெள்ளிக்கிழமை வெளியிட்ட அறிவிப்பு: தமிழக அரசின் கல்லூரிக் கல்வித் துறையின்கீழ் இயங்கும் அரசு கலை, அறிவியல் மற்றும் கல்வியியல் கல்லூரிகளில் பணிபுரியும் ஆசிரியா்கள் மற்றும் தொழில்நுட்பக் கல்வித் துறையின்கீழ் இயங்கி வரும் அரசு பொறியியல் கல்லூரிகள், அரசு பாலிடெக்னிக் கல்லூரிகள், அரசு சிறப்புப் பயிலகங்கள் ஆகியவற்றில் பணிபுரியும் ஆசிரியா்களிடமிருந்து பணியிட மாறுதலுக்கான பொதுகலந்தாய்வு நடைபெற வேண்டுமென அரசுக்குக் கோரிக்கைகள் வரப்பெற்றுள்ளன.

ஆசிரியா்களின் இந்தக் கோரிக்கைகளைப் பரிவுடன் ஏற்று, நிகழாண்டில் மேற்கண்ட துறைகளின் கீழ் பணிபுரியும் ஆசிரியா்களுக்குப் பணியிட மாறுதலுக்கான பொதுகலந்தாய்வை வெளிப்படைத் தன்மையுடன் இணைய வழியின் வாயிலாக மேற்கொள்ளலாம் என அரசு முடிவு செய்துள்ளது.

அதன்படி, கல்லூரிக் கல்வித் துறையின்கீழ் இயங்கும் அரசு கலை, அறிவியல் மற்றும் கல்வியியல் கல்லூரிகளில் பணியாற்றும் ஆசிரியா்களுக்கும் மற்றும் தொழில்நுட்பக் கல்வித் துறையின்கீழ் இயங்கும் அரசு பொறியியல் கல்லூரிகள், அரசு பாலிடெக்னிக் கல்லூரிகள், அரசு சிறப்புப் பயிலகங்கள் ஆகியவற்றில் பணியாற்றும் ஆசிரியா்களுக்கும் 2024-2025-ஆம் கல்வி ஆண்டுக்கான பணியிட மாறுதலுக்கான பொதுகலந்தாய்வு உரிய நெறிமுறைகளைப் பின்பற்றி நவ.25-ஆம் தேதிக்குள் வெளிப்படைத் தன்மையுடன் இணையவழி மூலம் முதல்வா் மு.க.ஸ்டாலின் அறிவுறுத்தலின்படி மேற்கொள்ளப்படவுள்ளது.

அதற்கிணங்க இணைய வழியாகப் பெறப்படுகின்ற ஆசிரியா்களின் மாறுதல் விண்ணப்பங்கள் உரிய விதிகளின்படி பரிசீலனை செய்யப்பட்டு ஆணைகள் வழங்கப்படும் எனத் தெரிவிக்கப்பட்டுள்ளது.