காஞ்சிபுரம் பேரறிஞா் அண்ணா கூட்டுறவு மேலாண்மை பயிற்சி நிலையத்தில் நகை மதிப்பீட்டாளா் பயிற்சி தொடங்கப்பட இருப்பதாக கூட்டுறவு சங்கங்களுக்கான மண்டல இணைப் பதிவாளா் பா.ஜெயஸ்ரீ தெரிவித்துள்ளாா்.
இது குறித்து அவா் வெள்ளிக்கிழமை வெளியிட்ட செய்திக்குறிப்பு:
காஞ்சிபுரம் பேரறிஞா் அண்ணா கூட்டுறவு மேலாண்மை பயிற்சி நிலையத்தில் உடனடியாக வேலைவாய்ப்பு அளிக்கக் கூடிய நகை மதிப்பீட்டாளா் பயிற்சி வழங்கப்படவுள்ளது. நகை மதிப்பீடும், அதன் நுட்பங்கள் பற்றிய பயிற்சி வரும் ஏப்ரல் 15-ஆம் தேதி தொடங்கப்படுகிறது. சனி, ஞாயிறு இரு நாள்கள் மட்டும், ஆண், பெண் இருபாலரும் கலந்து கொள்ளும் வகையில், 17 நாள்கள் இப்பயிற்சி நடைபெறும். 10-ஆம் வகுப்பு தோ்ச்சி பெற்றிருந்தால் போதுமானது. வயது வரம்பின்றி அனைவரும் விண்ணப்பிக்கலாம். கூட்டுறவுச் சங்கங்களில் பணிபுரியும் அனைத்து பணியாளா்களும் இந்தப் பயிற்சியில் சோ்ந்தும் பயன் பெறலாம்.
இந்த மாதம் 24-ஆம் தேதி (திங்கள்கிழமை) முதல் விண்ணப்பிக்கலாம்,விண்ணப்பக் கட்டணம் ரூ. 100 மற்றும் 18 சதவீதம் ஜிஎஸ்டி செலுத்தி விண்ணப்பம் பெற்றுக் கொள்ளலாம். பயிற்சிக் கட்டணமாக ரூ. 3,856 மற்றும் 694 உடன் 18 சதவீத ஜிஎஸ்டி சோ்க்கையின்போது செலுத்த வேண்டும். இந்தக் கட்டணத்தில் ரூ. 500 மதிப்புள்ள பயிற்சி உபகரணங்கள் வழங்கப்படும்.
40 மணி நேரம் வகுப்பறை பயிற்சியும், 60 மணி நேரம் செயல்முறை பயிற்சியும் உடையதாகும். நகைக்கடன், வட்டி கணக்கிடுதல், ஹால் மாா்க், நகை அடகு சட்டம், தரம், விலை மதிப்பீடு போன்ற பயிற்சிகள் நடத்தப்படும்.
பயிற்சி முடித்தவா்கள் வேலைவாய்ப்பு அலுவலகத்திலும் பதிவு செய்து கொள்ளலாம். கூட்டுறவு நிறுவனங்கள் மற்றும் அனைத்து வங்கிகளிலும் நகை மதிப்பீட்டாளராகவும் பணியில் சேர வாய்ப்புள்ளது.
விருப்பமுள்ள அனைவரும் இந்த அரிய வாய்ப்பை பயன்படுத்திக் கொள்ள வேண்டும். மேலும் விவரங்களுக்கு, காஞ்சிபுரம் பேரறிஞா் அண்ணா கூட்டுறவு மேலாண்மை பயிற்சி நிலையம், 51, வந்தவாசி சாலை, ஆட்சியா் அலுவலகம் எதிரில், காஞ்சிபுரம்-631501 என்ற முகவரியில் நேரிலோ அல்லது 044-27237699 என்ற எண்ணிலும் தொடா்பு கொள்ளலாம்.
